Mennta- og menningarráð

1. 2608-6267 - Lykiltölur á mennta- og menningarsviði haustið 2026

Yfirlit yfir fjölda barna í leikskólum, grunnskólum, tónlistarskóla, frístundaheimilum og hjá dagforeldrum haustið 2026.

Lagt fram til kynningar.

2. 2608-6222 - Verklag um þjónustu utanaðkomandi sérfræðinga við börn í leikskólum

Drög að verklagi um þjónustu utanaðkomandi sérfræðinga í leikskóla Akraneskaupstaðar lögð fram

Mennta- og menningarráð samþykkir fyrirliggjandi drög að verklagi um þjónustu utanaðkomandi sérfræðinga í leikskólum Akraneskaupstaðar. Ráðið leggur áherslu á að verklagið tryggi samræmda, faglega og gagnsæja þjónustu með hagsmuni barna að leiðarljósi. Ráðið felur mennta- og menningarasviði að fullvinna og innleiða verklagið með stjórnendum leikskóla.

3. 2608-6266 - Reiknilíkön leik- og grunnskóla

Sviðsstjóri kynnir reiknilíkön leik- og grunnskóla fyrir nýju ráði og fjallar almennt um úthlutun fjármagns til leik- og grunnskóla. Sturlaugur Haraldsson bæjarstjóri situr fundinn undir dagskrárliðum 3 og 4.

Lagt fram til kynningar.

4. 2608-6265 - Kynning á starfsemi TOSKA og áherslur í fjárhagsáætlun 2027

Jónína Erna Arnardóttir skólastjóri TOSKA kynnir starfsemi skólans og áherslur stjórnenda fyrir fjárhagsáætlunargerð fyrir árið 2027.

Mennta- og menningarráð þakkar Jónínu Ernu fyrir góða og fróðlega kynningu á starfsemi TOSKA. Ráðið leggur áherslu á að standa áfram vörð um þjónustu og mikilvægt starf Tónlistarskólans á Akranesi. Framlögð erindi TOSKA í tengslum við fjárhagsáætlunargerð fyrir árið 2027 verða tekin fyrir sérstaklega á næstu fundum ráðsins.

Sturlaugur Haraldsson bæjarstjóri og Jónína Erna Arnardóttir skólastjóri TOSKA víkja af fundi.

5. 2512-5749 - Framhaldsmál - Invest in play

Verkefnastjóri mennta- og menningarsviðs leggur fram tillögu um fyrirkomulag foreldranámskeiðsins Tengjumst í leik

Mennta- og menningarráð samþykkir framlagða tillögu um fyrirkomulag foreldranámskeiðsins Tengjumst í leik. Ráðið felur verkefnastjóra að vinna að framkvæmd námskeiðsins í samræmi við tillöguna.

6. 2608-5894 - Nemendatölvur - erindi frá Brekkubæjarskóla

Skólastjórnendur Brekkubæjarskóla óska eftir viðbótarfjárheimild til kaupa á 10 nemendatölvum. Afgreiðslu málsins var frestað á síðasta fundi ráðsins.

Mennta- og menningarráð vísar endanlegri afgreiðslu á beiðni Brekkubæjarskóla um frekari kaup á nemendatölvum til fjárhagsáætlunargerðar fyrir árið 2027. Ráðið leggur áherslu að ákvörðun byggi á þeirri vinnu sem fram undan er við að kortleggja framkvæmd og nýtingu nemendatölva í grunnskólum Akraness.