Menningar- og safnanefnd

Menningar- og safnanefnd tekur vel í breytingar sem Bæjarbókavörður leggur til. Nefndin óskar eftir frekari gögnum og verður ákvörðun tekin í samræmi við þau.

Nefndin samþykkir lokun á Bókasafninu 16. og 17. október 2025 vegna Landsfundar Upplýsingar og alþrifa húsnæðis, málinu er vísað áfram til Bæjarráðs til upplýsinga.

Menningar- og safnanefnd felur verkefnastjóra að setja upp tillögu nefndarinnar að gjaldskrá Byggðasafnsins í Görðum fyrir árið 2026 í samræmi við umræður nefndarinnar og koma henni í réttan farveg.

Menningar- og safnanefnd þakkar fyrir upplýsingar um stöðu sýningar í Bátahúsinu. Það er ljóst að vegna óviðráðanlegra aðstæðna verður ekki unnt að opna sýninguna fyrr en á vormánuðum 2026.

Menningar- og safnanefnd þakkar verkefnastjóra menningarmála fyrir góða samantekt og fagnar frumkvæði einstaklinga í bæjarfélaginu sem vilja leggja sitt af mörkum til menningarhátíðarinnar.

Dagskrá Vökudaga mun birtast á viðburðardagatali Akraneskaupstaðar á heimasíðu kaupstaðarins www.akranes.is þegar nær dregur.

Nefndin hvetur bæjarbúa til þess að fylgja Vökudögum á samfélagsmiðlum.

Menningar- og safnanefnd felur Verkefnastjóra menningarmála að setja í loftið auglýsingu um tilnefningar til Menningarverðlauna Akraness árið 2025 á heimasíðu Akraneskaupstaðar.

Bæjarbúar eru hvattir til að senda inn sínar tillögur um þá einstaklinga eða hópa sem hafa glætt menningu bæjarins lífi með eftirtektarverðum hætti.

Menningar- og safnanefnd þakkar viðburðastjórum hátíðarinnar fyrir vel heppnaða Írska daga.

Nefndin fagnar því að þær breytingar sem starfshópur Írskra daga lagði til árið 2023 haldi áfram að skila okkur fjölskylduvænni og skemmtilegri bæjarhátíð.

Nefndin þakkar öllu þeim aðilum sem komu að hátíðinni með einum eða öðrum hætti og bæjarbúum fyrir góða þátttöku í hátíðardagskránni.

Menningar- og safnanefnd þakkar viðburðastjórum hátíðarinnar fyrir vel heppnaðan Þjóðhátíðardag í bæjarfélaginu okkar, dagskráin var fjölbreytt og skemmtileg fyrir alla aldurshópa.

Við þökkum bæjarbúum fyrir góða þátttöku í hátíðardagskránni.