Menningar- og safnanefnd

Fjármálastjóri Akraneskaupstaðar ásamt verkefnastjóra í fjárreiðudeild kynntu og útskýrðu ársreikning Byggðasafnsins í Görðum 2016.
Ársreikningurinn var samþykktur og undirritaður.

Forstöðumaður lagði fram verkefnatillögu fyrir stefnumótunarvinnu fyrir málaflokkinn.
Ákveðið að óska eftir fjárheimild hjá bæjarráði til verkefnisins.
Forstöðumanni falið að koma erindi áleiðis til bæjarráðs.

Forstöðumaður lagði fram tillögu um framlengingu á samningi frá 6. maí 2016.
Tillaga var samþykkt og forstöðumanni falið að ganga frá samningi með þeim breytingum sem ræddar voru á fundinum.

Forstöðumaður kynnti nýjar upplýsingar varðandi verkefnið Heima menn 339 (áður Útilistaverk við strönd) sem er samvinnuverkefni tveggja listakvenna og þriggja sjávarþorpa á Íslandi.
Forstöðumanni er falið að kanna erindið nánar skv. umræðum á fundi.

Forstöðumaður kynnti erindið.
Nefndinni finnst verkefnið áhugavert en hefur ekki fjármagn til úthlutunnar og vísar erindinu til bæjarráðs.

Bæjarbókavörður kynnti ársskýrslu Bókasafns Akraness 2016.
Meðal þess sem kom fram í máli hennar var að útlán hafi dregist saman frá fyrra ári enda hafi afgreiðslustundum fækkað um 10 á viku. Enn fremur kom fram að eftir að stöðugildum háskólamenntaðra starfsmanna var fækkað við safnið hefur það komið niður á starfi safnsins. Skýrslan verður aðgengileg á heimasíðu Bókasafnsins.
Nefndin þakkar fyrir greinargóða kynningu og skýrslu.