Fara í efni  

Framkvæmdaráð (2009-2014)

44. fundur 21. september 2010 kl. 17:00 í fundarherbergi 3. hæð, Stillholti 16-18
Fundargerð ritaði: Jón Pálmi Pálsson framkvæmdastjóri
Dagskrá

1.Bíóhöllin - endurbætur

901158

Skoðun framkvæmda.

Fundurinn byrjaði á því að fundarmenn skoðuðu endurbætur sem nú eru að klárast á Bióhöllinni við Vesturgötu og gerði Kristján Gunnarsson umsjónarmaður fasteigna og Ragnar M. Ragnarsson, verkefnastjóri grein fyrir framkvæmdinni.

Framkvæmdaráð lýsir yfir ánægju sinni með framkvæmdina og telur hana hafa heppnast einstaklega vel.

2.Framkvæmdastofa - rekstraryfirlit 2010

1002242

Rekstrar- og framkvæmdayfirlit Framkvæmdastofu fyrir tímabilið janúar - ágúst 2010. Skýrsla framkvæmdastjóra Framkvæmdastofu dags. 20.09.2010.

Framkvæmdastjóri gerði grein fyrir rekstrar- og framkvæmdastöðu Framkvæmdastjóra vegna tímabilsins. Framkvæmdaráð samþykkir að vísa gögnunum til umfjöllunar og úrvinnslu bæjarráðs og aðalskrifstofu.

3.Hundaeftirlit

1009048

Erindi Margrétar Tómasdóttur dags. 8.09.2010, þar sem athugasemdir eru gerðar við störf hundaeftirlitsmanns.

Framkvæmdastjóri kynnti gögn varðandi málið frá Heilbrigðiseftirliti Vesturlands dags. 9.9.2010 og lögregluskýrslu vegna sama máls, en ekki verður annað séð af gögnum HEV en að viðkomandi aðili stundi hundaræktun sem ekki hefur verið fengið leyfi fyrir. Framkvæmdaráð óskar eftir því við Heilbrigðiseftirlit Vesturlands að gripið verði tafarlaust til viðeigandi aðgerða vegna meints brots á reglum um hundaræktun. Framkvæmdastjóra falið að afla frekari upplýsinga um málið.

4.Hundaleyfi - skrán.137

1009042

Bréf framkvæmdastjóra Framkvæmdastofu dags. 23.08.2010 til Jónasar Páls Þórlákssonar varðandi afturköllun hundaleyfis vegna brota á samþykkt um hundahald og bréf Jónasar Páls Þorlákssonar dags. 2.09.2010 þar sem hann fer fram á endurskoðun um ákvörðun um sviptingu hundaleyfis vegna umrædds hunds. Jafnframt var lagt fram til upplýsinga afrit úr dagbókum lögreglu þar sem kvartað hefur verið undan hundinum og kært.

Í ljósi þeirra athugasemda sem fram hafa komið um viðkomandi hund, upplýsinga úr dagbókum lögreglu staðfestir Framkvædaráð afturköllun leyfis nr. 137, sem Jónas Páll Þorláksson er skráður fyrir.

5.Fjáreigendafélag - beitarafnot og smölun

1009038

Samkomulag Akraneskaupstaðar og Fjáreigendafélags Akraness um beitarafnot og smölun á landi Akraneskaupstaðar í Grafardal.

Framkvæmdaráð samþykkir samninginn.

6.Grundaskóli - kennslueldhús.

1009076

Útboðslýsing ásamt magnskrá vegna kennslueldhúss í Grundaskóla, unnin í september 2010 ásamt búnaðarlista.

Lagt fram.

7.Höfðasel - Akrafjallsvegur

1007019

Verklýsing og magnskrá vegna framkvæmda við Akrafjallsveg unnin af Mannviti, verkfræðistofu í september 2010. Fundargerð frá opnun fundar 21. sept. 2010.

Þrjú tilboð bárust í verkið frá eftirfarandi aðilum:

1. Skóflan hf. kr. 4.896.000.-

2. Vélaleiga Halldórs Sig. kr. 5.865.000.-

3. Þróttur ehf. kr. 4.189.000.-

Framkvæmdaráð samþykkir að taka tilboði lægstbjóðanda í verkið.

8.Golfklúbburinn Leynir - framkvæmdasamningur

1001061

Framkvæmdastjóri gerði grein fyrir upplýsingum sem óskað var eftir frá fyrirtækinu DS lausnir ehf hvað varðar fjárhag fyrirtækisins svo og hugmyndum fyrirtækisins um framkvæmdatíma verksins ef af verður, jafnframt upplýsti hann frá hugmyndum Leynis um aðkomu þeirra að framkvæmdum og hugsanlegum framkvæmdasamningi.

Ákveðið að taka málið til umræðu á næsta fundi.

9.Starf dýraeftirlitsmanns

1009113

Tillaga frá bæjarstjórnarfundi varðandi starf dýraeftirlitsmanns. Bæjarstjórn samþykkti að vísa tillögunni til umfjöllunar í framkvæmdaráði og að hún komi síðan þaðan til afgreiðslu bæjarstjórnar.

Tillagan er svohljóðandi:

,,Bæjarstjórn samþykkir á fundi sínum þann 14. september 2010 að ráða dýraeftirlitsmann í fullt starf frá og með næstu áramótum. Dýraeftirlitsmaður skal heyra undir Framkvæmdastofu, sem skal gera tillögu um starfslýsingu fyrir hann. Starfslýsingin skal vera sambærileg við þær starfslýsingar hjá þeim sveitarfélögum sem hafa dýraeftirlitsmann í fullu starfi."

Greinargerð:

á undanförnum árum hefur húsdýrum og villiköttum fjölgað verulega hér á Akranesi og er því nauðsynlegt fyrir bæði bæjarbúa og dýrin að gott eftirlit sé með dýrunum og þeim aðilum sem halda húsdýr, sérstaklega hvað varðar umgengni þeirra og meðferð á dýrunum. Tillaga okkar gerir ráð fyrir að dýraeftirlitsmaður sinni einnig eftirliti með hestum og kindum"

Framkvæmdaráð felur framkvæmdastjóra að undirbúa tillögu og greinargerð sem taki mið af samþykkt Framkvæmaráðs frá maí s.l. svo og framangreindri tillögu.

10.Grundaskóli - endurbætur á skólalóð

1008073

Bréf bæjarráðs dags. 18.09.2010, þar sem tilkynnt er um aukafjárveitingu að fjárhæð 2,0 m.kr vegna tækjakaupa og viðhalds lóðar Grundaskóla.

Lagt fram.

11.Íþróttamannvirki, uppbygging

1008038

Bréf bæjarráðs dags. 17.09.2010, þar sem bréf starfshóps um uppbyggingu íþróttamannvirkja varðandi endurnýjun íþróttaaðstöðu er vísað til umfjöllunar Framkvæmdaráðs.

Framkvæmdastofu falið að útbúa nánari kostnaðaráætlun yfir umrædd verk.

12.Trjárækt í hestabeitarhólfi

1009053

Bréf bæjarráðs dags. 17.09.2010, þar sem bréfi Björns Jónssonar þar sem hann óskar heimildar til að planta trjám í hestaskammbeitarhólf er vísað til umfjöllunar Framkvæmdaráðs.

Framkvæmdaráð óskar eftir umsögn garðyrkjustjóra á erindinu.

13.Smiðjuvellir 32 - tenging við Þjóðbraut

1008040

Bréf bæjarstjórnar dags. 17.09.2010, þar sem tilkynnt er samþykkt aukafjárveiting að fjárhæð 0,8 m.kr vegna breytingu á vegamótum Þjóðbrautar og Smiðjuvalla 32.

Framkvæmdaráð felur framkvæmdastofu að annast verkefnið.

Fundi slitið.

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00