Fara í efni  

Framkvæmdaráð (2009-2014)

7. fundur 07. apríl 2009 kl. 17:15 í fundarherbergi, Dalbraut 8
Fundargerð ritaði: Jón Pálmi Pálsson framkvæmdastjóri
Dagskrá

1.Bókasafn Dalbraut 1.

902001

Viðræður við Runólf Sigurðsson, byggingarfulltrúa og eftirlitsmann með framkvæmdum við Dalbraut 1, bókasafn.

Verkfundargerð frá 7.04.2008 lögð fram. Runólfur gerði grein fyrir úttektum byggingarfulltrúa og slökkvistjóra á byggingarhlutum Dalbrautar 1 sem komnir eru í notkun. Einnig var farið yfir stöðu mála varðandi nýbyggingu bókasafns, en nú liggur fyrir að tryggingarfélagið og verktaki hafa lagt til ákveðna tilhögun á verkinu á eldri hluta húsnæðisins undir bókasafn með það í huga að þær endurbætur verði fullnægjandi í framhaldi af brunatjóni. Notaðar verði aðrar aðferðir við nýrri hluta byggingarinnar. Framkvæmdaráð telur nauðsynlegt að staðið verði eins að framkvæmd endurbóta nýrri hluta húsnæðisins eins og fyrirhugað að gera á eldri hluta hússins.

2.Flóahverfi - gatnagerð og lagnir.

810068

Verkfundargerð frá 24. apríl 2009.

Lögð fram.

3.Garðasel - þakviðgerð

901161

Bæjarráð hefur heimilað nauðsynlegar framkvæmdir sbr tillögu framkvæmdaráðs og veitt fjárveitingu að fjárhæð 13 milljónir til verksins.

Afgreiðslu frestað.

4.Viskubrunnur - undirbúningur

901156

Framkvæmdastjóri gerði grein fyrir framvindu verkefnisins.

Málið rætt.

5.Stígur við Kirkjugarð yfirborðsfrágangur

904018

Fundargerð frá opnun verðboða dags. 2. apríl 2009.

Framkvæmdaráð samþykkir að taka tilboði lægstbjóðanda, Þróttar ehf í verkið. Tilboð Þróttar var kr. 3.255.000.- í verkið. 7 aðilar buðu í verkið, og var hæsta boð kr. 4.943.600.- Kostnaðaráætlun var kr. 4.936.650.- Í fjárhagsáætlun ársins 2009 var gert ráð fyrir fjárveitingu að upphæð 2 milljónir. Framkvæmdaráð samþykkir að færa til fjárveitingu til verksins af fjárveitingu sem áætluð var til framkvæmdar við hljóðmön við Ketilsflöt, samtals að fjárhæð 2 milljónir þannig að hægt sé að framkvæma verkið.


6.Þjónustusamningar á vegum Framkvæmdastofu - uppsögn samninga

901147

Málið rætt.

7.Fjárhagsáætlun 2009

901179

Rætt um bifreiðamál framkvæmdastofu. Framkvæmdastjóra falið að leggja fram minnisblað með tillögum að lausnum í málinu.

8.Hljóðmön meðfram Ketilsflöt

904046

Minnisblað verkefnastjóra Framkvæmdastofu dags. 7.04.2009, varðandi kostnað við sáningu og frágang á hljóðmön við Ketilsflöt og frágang svæðis við leikskólann Akrasel.

Framkvæmdaráð samþykkir að fela framkvæmdastofu að framkvæma verkið eins og það er lagt upp í minnisblaðinu.

Fundi slitið.

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00