Fara í efni  

Fjölskylduráð (2009-2014)

120. fundur 24. júní 2013 kl. 16:30 - 18:15 í fundarherbergi 3. hæð, Stillholti 16-18
Nefndarmenn
  • Þröstur Þór Ólafsson formaður
  • Dagný Jónsdóttir varaformaður
  • Ingibjörg Valdimarsdóttir aðalmaður
  • Einar Brandsson áheyrnarfulltrúi
Starfsmenn
  • Helga Gunnarsdóttir framkvæmdastjóri Fjölskyldustofu
Fundargerð ritaði: Helga Gunnarsdóttir framkvæmdastjóri
Dagskrá

1.Akstur fatlaðra - samkomulag eyðublað

1306166

Framkvæmdastjóri kynnti eyðublað sem nota á til að gera samkomulag við þjónustuþega í búsetuþjónustu o.fl. um greiðslu kostnaðar vegna aksturserinda sem upp koma. Gert er ráð fyrir að samkomulagið taki gildi 1. ágúst næstkomandi.

Fjölskylduráð hefur engar athugasemdir við fyrirkomulagið.

2.Herdísarholt - samningur um búsetuþjónustu

1206122

Samkomulag var undirritað við rekstraraðila Herdísarholts í lok júní 2012. Gert var ráð fyrir endurnýjun samnings í maí.

Fundur var haldinn 20. júní og farið yfir forsendur. Rekstaraðilar fara fram á aukningu sem nemur kr. 300.000 á mánuði. Eins og áður hefur komið fram á fundum fjölskylduráðs eru ekki tök á að verða við því og einungis reiknað með hækkun skv. almennum verðlagsforsendum. Fulltrúi rekstraraðila óskaði þá eftir breytingum á forsendum samnings og að þær breytingar tæku gildi eins fljótt og auðið er.

3.Búsetuþjónusta fatlaðra

1306152

Erindi frá félagsmálastjóra.

Afgreiðsla trúnaðarmál

4.Félagsleg úrræði 2013 - framlag

1211107

Við afgreiðslu fjárhagsáætlunar fyrir árið 2013 var bókað um að á fyrri hluta árs 2013 skyldi starfsemi Endurhæfingarhússins Hvers og Skagastaða skoðuð og metið hvort og hvernig starfseminni skuli háttað til lengri tíma litið.

Framkvæmdastjóri kynnti stöðuna og leggur til ákveðið fyrirkomulag sem nær til áramóta. Í fyrirkomulaginu felst að annar forstöðumanna Hvers verði ráðinn í 100% starf frá 1. ágúst til áramóta. Einnig að ráðinn verði starfsmaður í hlutastarf í samvinnu við VMST. Gerður verði ráðningasamningur við starfsmenn Skagastaða til 6 mánaða annars vegar og þriggja mánaða hins vegar. Forsendur fyrir þessu eru að fjárveitingar og styrkir dugi til.

5.Búsetuúrræði f. fatlaðra haust 2013

1306157

Á vegum Akraneskaupstaðar hefur þjónustu við fatlaða sem búa á heimilum sínum og þurfa þjónustu umfram grunnþjónust verið sinnt af tveimur starfshópum. Í lok ágúst lýkur verkefni sem þrjú sveitarfélög réðust í 1. september 2012. Ákveðið hefur verið að sameina þjónustuna frá 1. september.

Framkvæmdastjóri kynnti tillöguna sem unnin hefur verið með starfsfólki búsetuþjónustunnar. Gert er ráð fyrir að forstöðumaður verði ráðinn frá 1. ágúst og starfsmannaráðningar eigi sér stað í byrjun ágúst.

Framkvæmdastjóri fór yfir forsendur fyrir þessari tillögu. Fjölskylduráð gerir ekki athugasemdir við fyrirliggjandi tillögur.

6.Fjármál þjónustusvæðis 2013

1306008

Á fundi fjölskylduráðs 4. júní sl. var farið yfir þá stöðu sem upp er komin eftir að fjárveitingar til þjónustusvæðisins á Vesturlandi urðu ljósar.

Starfshópur á vegum SSV ásamt starfsmönnum SSV og framkvæmdastjóra fór á fund starfsmanna Jöfnunarsjóðs 18. júní og voru fjármál svæðisins rædd. Í kjölfarið voru þættir í upplýsingagjöf til ráðuneytisins sannreyndir og ekkert kom fram sem benti til þess að forsendur væru ekki réttar miðað við reiknireglur sjóðsins. Frekari skoðun mun fara fram og er þess vænst að gögn frá sjóðnum berist í kringum mánaðarmót.

Starfshópurinn mun gera tillögur til félagsþjónustusvæðanna þegar allar upplýsingar liggja fyrir.

Fundi slitið - kl. 18:15.

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00