Fara í efni  

Fjölskylduráð (2009-2014)

81. fundur 20. desember 2011 kl. 16:45 - 17:40 í fundarherbergi 3. hæð, Stillholti 16-18
Nefndarmenn
  • Ingibjörg Valdimarsdóttir formaður
  • Guðmundur Páll Jónsson varaformaður
  • Þröstur Þór Ólafsson aðalmaður
  • Einar Brandsson áheyrnarfulltrúi
  • Svala Kristín Hreinsdóttir verkefnisstjóri
Fundargerð ritaði: Svala Hreinsdóttir Verkefnisstjóri
Dagskrá

1.Ályktun gegn niðurskurði í tónlistarskólum

1112048

Bréf félags tónlistarskólakennara dags. 6. desember 2011 þar sem gerð er grein fyrir, ályktun gegn niðurskurði í tónlistarskólum. Bréfið lagt fram.

2.Félag leikskólakennara - spurningar

1112051

Bréf frá svæðadeild Félags leikskólakennara á Vesturlandi. Þar kemur fram að svæðadeildir og stjórn FL óski eftir upplýsingum um málefni leikskóla í hverjum landshluta/byggðarfélagi. Markmiðið er að fá sem skýrasta mynd af þeirri stöðu og aðbúnaði sem leikskólakennarar starfa við. Fjölskylduráð felur Svölu Hreinsdóttur að svara bréfinu.

3.Fjöliðjan - Ósk um kaup á pökkunarbúnaði

1109135

Á fundi fjölskylduráðs þann 29. nóvember sl. kynnti Guðmundur Páll Jónsson forstöðumaður Fjöliðjunnar möguleika á kaupum á pökkunarvél fyrir Fjöliðjunar sem fjölskylduráð hafi falið honum að kanna. Fjölskylduráð óskaði eftir að bæjarriari kannaði möguleika á kaupum á vélinni. Bæjarráð og bæjarstjórn hafa samþykkt kaup á pökkunarvélinni.

4.Fjárhagsáætlun 2012

1109132

Á fundi bæjarstjórnar Akraness þann 13. desember sl. var m.a. fjallað um tillögur bæjarráðs þann 8. desember sl. að leggja til við bæjarstjórn að ráðum, stjórnum og stofnunum Akraneskaupstaðar verði falið að yfirfara fyrirliggjandi tillögur að fjárhagsáætlun 2012. Við þá vinnu verði gengið út frá hagræðingarkröfum m.v. núverandi rekstur sem nemur allt að 3% en lágmarki 1% af útgjöldum viðkomandi málaflokka. Tillögur verði lagðar fyrir bæjarráð eigi síðar en 24. febrúar 2012. Fjölskylduráð felur framkvæmdastjóra Fjölskyldustofu í samráði við starfsmenn og starfshópa í skóla, félags- og æskulýðs- og íþróttamálum að leggja fram tillögur um hagræðingu í samræmi við óskir bæjarstjórnar.

5.Húsnæðismál - áfrýjun

1112045

Sveinborg Kristjánsdóttir félagsmálastjóri mætti á fundinn kl. 17:00 og lagði fram mál. Afgreiðsla trúnaðarmál.

6.Fjárhagsaðstoð - áfrýjun 2011

1111096

Sveinborg Kristjánsdóttir félagsmálastjóri lagði fram mál. Afgreiðsla trúnaðarmál.

7.Húsnæðismál - áfrýjun

1112105

Sveinborg Kristjánsdóttir félagsmálastjóri lagði fram mál. Afgreiðsla trúnaðarmál.

8.Húsnæðismál-áfrýjun

1112087

Sveinborg Kristjánsdóttir félagsmálastjóri lagði fram mál. Afgreiðsla trúnaðarmál.

9.Bakvaktir

1006157

Afgreiðslu frestað þar til frekari gögn liggja fyrir í málinu. Fjölskylduráð óskar eftir því við starfsmenn félagsþjónustunnar að starfa eftir núgildandi samning út janúarmánuð 2012. Sveinborg vek af fundi 17:40.

Fundi slitið - kl. 17:40.

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00