Fara í efni  

Fasteignafélag Akraneskaupstaðar slf. og ehf.

2. fundur 08. maí 2007 kl. 18:30 - 20:00

2. fundur í stjórn Fasteignafélags Akraneskaupstaðar slf. var haldinn í fundarherbergi bæjarskrifstofu, Stillholti 16-18, þriðjudaginn 8. maí 2007 og hófst hann kl. 18:30.


Mætt voru:                         Karen Jónsdóttir

                                          Gunnar Sigurðsson

                                          Sveinn Kristinsson

 

Fyrir tekið:

 

1. Drög að samkomulagi Fasteignafélags Akraneskaupstaðar slf. og Smáragarðs hf. um framsal Smáragarðs hf. til Húsbygg ehf. á kaupsamningi hluta fasteignar að Dalbraut 1, Akranesi. 

 

Samkomulagið er eftirfarandi:

 

?Samkomulag

 

Aðilar:

Fasteignafélag Akraneskaupstaðar slf.

Stillholti 16-18
300 Akranesi

Smáragarður hf.

Kt. 600269-2599

Skemmuvegi 2a, 200 Kópavogur

 

Húsbygg ehf.

 

Kt. 451291-1149

Hlíðarsmára 9, 201 Kópavogur

 

Forsendur:

 

A.      Smáragarður samþykkti í kaupsamningi, dags. 4. maí 2006, að selja Fasteignafélagi Akraneskaupstaðar slf. hluta fasteignarinnar Dalbraut 1 á Akranesi. Á síðari stigum var ákveðið að nýta skyldi eignina sem tónlistarskóla í stað bókasafns. Vegna þess var gerður viðaukasamningur þar sem skilgreiningu á hinni seldu eign var breytt. Í viðaukanum segir að greiða skuli tæpar 290 milljónir fyrir breytingar og innréttingar með sjö jöfnum greiðslum á tímabilinu mars til september 2007.

 

B.      Í viðaukasamningnum er  eftirfarandi ákvæði: ?Seljanda er heimilt, með samþykki verkkaupa [kaupanda/Fasteignafélags Akraneskaupstaðar], að framselja þann hluta viðauka þessa sem lýtur að innréttingu Tónlistarskólans til Húsbygg ehf., byggingarverktaka hússins. Tekur Húsbygg þá við réttindum og skyldum seljanda gagnvart kaupanda hvað varðar innréttingu og frágang hins selda??

 

C.     Smáragarður hf. hefur nú óskað eftir því að framselja samningsaðild sína til Húsbygg ehf.  Hafa aðilar af því tilefni komist að samkomulagi um eftirfarandi:

 

 

Samkomulag:

 

1.      Fasteignafélag Akraneskaupstaðar samþykkir að Smáragarður framselji kaupsamningsaðild sína til Húsbygg ehf. frá og með undirritun þessa samkomulags. Húsbygg samþykkir að taka við aðildinni og undirgangast þær skyldur sem um ræðir í kaupsamningi og félagið hefur kynnt sér.

 

2.      Fasteignafélagið mun greiða Húsbygg eftirstöðvar kaupsamningsgreiðslnanna í samræmi við ákvæði kaupsamningsins. Sú fjárhæð er nánar tilgreind á meðfylgjandi stöðuyfirliti.

3.      Smáragarður og Húsbygg bera hér eftir óskipta ábyrgð á efndum kaupsamningsins gagnvart Fasteignafélaginu, þ.e. að eigninni verði skilað á tilsettum tíma, í umsömdu ástandi og að hægt sé að afsala henni til Fasteignafélagsins án kvaða og veðbanda. Gallar sem fram kunna  að koma eru jafnframt á óskipta ábyrgð Smáragarðs og Húsbygg.

 

Allt framanritað staðfesta aðila hér með með undirritunum sínum. Skjalið er útbúið í þremur eintökum, og heldur hver þeirra sínu.

 

Akranesi ______ maí 2007.

 

Fasteignafélag Akraneskaupstaðar slf. undirrit.      

Smáragarður hf. undirrit.   

Húsbygg ehf. undirrit.   

 

Vottar að réttri dags.

 og undirritunum?

 

 

 

Stjórn fasteignafélagsins felur bæjarstjóra að undirrita samkomulagið fyrir sína hönd.

  

 

Karen Jónsdóttir (sign)

Gunnar Sigurðsson (sign)

Sveinn Kristinsson (sign)

 

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00