Fara í efni  

Bæjarráð

3154. fundur 24. maí 2012 kl. 16:00 - 18:30 í fundarherbergi 3. hæð, Stillholti 16-18
Nefndarmenn
  • Guðmundur Páll Jónsson formaður
  • Hrönn Ríkharðsdóttir varaformaður
  • Þröstur Þór Ólafsson aðalmaður
  • Einar Brandsson áheyrnarfulltrúi
  • Árni Múli Jónasson bæjarstjóri
  • Jón Pálmi Pálsson bæjarritari
Fundargerð ritaði: Jón Pálmi Pálsson bæjarritari
Dagskrá

1.Fulltrúar Akraneskaupstaðar í stjórnum.

1204124

Viðræður við fulltrúa Akraneskaupstaðar í stjórn Höfða. Á fundinn mættu þau Kristján Sveinsson, Kjartan Kjartansson og Guðrún Jónsdóttir.

Rætt var um ýmis mál sem tengist rekstri Höfða, fjárhagsstöðu, framkvæmdir, niðurstöðu rekstrar 2011, fjárhagsáætlun 2012 og fl.

2.Fulltrúar Akraneskaupstaðar í stjórnum.

1204124

Viðræður við fulltrúa Akraneskaupstaðar, Hrönn Ríkharðsdóttir, í stjórn Orkuveitu Reykjavíkur vegna málefna fyrirtækisins.

Hrönn gerði grein fyrir helstu málum sem snúa að málefnum fyrirtækisins, rekstri þess og horfum.

3.Rekstrarstaða Akraneskaupstaðar 2012.

1205132

Rekstrarniðurstaða janúar - mars 2012 fyrir A- og B - hluta Akraneskaupstaðar, lögð fram. Minnisblað deildarstjóra bókhaldsdeildar dags. 22. maí 2012.

Niðurstaða A og B hluta Akraneskaupstaðar fyrir fjármagnsliði er jákvæð um 52 m.kr miðað við fjárhagsáætlun sem gerir ráð fyrir 24,5 m.kr jákvæðri niðurstöðu. Niðurstaðan að teknu tilliti til fjármagnsliða sýnir tap sem nemur 32,8 m.kr, en áætlun gerði ráð fyrir 8,2 m.kr. jákvæðri niðurstöðu.

4.Innheimta fasteignagjalda - samningur

1204097

Drög að samningi um innheimtþjónustu við Motus frá 23. maí 2012 ásamt minnisblaði dags. 22. maí 2012.

Afgreiðslu frestað.

5.Þróunar- og nýsköpunarfélag Akraness, Hvalfjarðarsveitar og Faxaflóahafna.

1205062

Bréf verkefnastjóra atvinnumála dags. 23. maí 2012 ásamt tillögu að bréfi frá Akraneskaupstað.

Bæjarráð óskar eftir kostnaðarmati á mögulegu framlagi Akraneskaupstaðar vegna stofnunar og reksturs slíks félags sem hér um ræðir.

6.Viðburðir á vegum Akraneskaupstaðar 2012

1204005

Bréf verkefnastjóra Akranesstofu dags. 23.maí 2012, þar sem lagt er til að samið verði við Björgunarfélagið um umsjón með dagskrá Hátíðar hafsins, og þar sem gert er grein fyrir bókun stjórnar Akranesstofu frá fundi 3. maí 2012. Stjórn Akranesstofu leggur til að dagskrá sjómannadagsins verði felld niður vegna dræmrar þátttöku og takmarkaðra fjármuna til viðburðarhalds.

Bæjarráð samþykkir að veita fjárveitingu til hátíðar hafsins að fjárhæð kr. 450 þús. kr. Gert verði ráð fyrir fjárhæðinni í viðauka fjárhagsáætlunar. Fjárveiting komi af fjárhagsliðnum "óviss útgjöld" 21-95-4995-1.

7.Tjaldsvæði- samningur um rekstur 2012

1203206

Bréf verkefnastjóra Akranesstofu dags. 23. maí 2012 þar sem óskað er eftir staðfestingu á samningi dags. 15. maí 2012, um rekstur tjaldsvæðisins í Kalmansvík.

Bæjarráð felur bæjarritara að ganga frá samningnum í samræmi við umræður á fundinum.

8.Garðakaffi - samningur um rekstur 2012

1203207

Bréf verkefnastjóra Akranesstofu dags. 23. maí 2012, þar sem lagt er til við bæjarstjórn að samningur um rekstur Garðakaffis dags. 15. maí 2012 verði staðfestur.

Bæjarráð staðfestir samninginn.

9.Saga Akraness - ritun.

906053

Drög að samningi um ritun Sögu Akraness III bindis ásamt tölvupósti Gunnlaugs Haraldssonar dags. 23. mai 2012.

Bæjarráð samþykkir samninginn fyrir sitt leyti. Bæjarstjóra falin undirritun hans. Einar óskar bókað að hann sé ósammála ákvörðun bæjarráðs.

10.Kalmansbraut - viðhald

1205133

Bréf framkvæmdastjóra Framkvæmdastofu dags. 21. maí 2012 um endurbætur á slitlagi Kalmansbrautar.

Bæjarráð getur ekki orðið við erindinu.

11.Samkomulag um launakjör

1203122

Drög að samkomulagi um launakjör bæjarritara og tölvupóstur dags. 30. apríl 2012.

Bæjarstjóra falið að ganga frá samningi um launakjör við bæjarritara í samræmi við umræðu á fundinum.

Einar óskar bókað að hann sé ekki sammála niðurstöðu bæjarráðs.

12.Verklagsreglur um ráðningar hjá Akraneskaupstað

1112104

Bréf innanríkisráðuneytis dags. 8. maí 2012.

Lagt fram.

13.Leikskólar - fjárveiting v. vinnufatnaðar

1204060

Umsögn starfsmanna- og gæðastjóra dags. 15. maí 2012.

Bæjarráð samþykkir að veita fé til leikskóla vegna nýrra ákvæða í kjarasamningum vegna vinnufatnaðar fyrir starfsmenn leikskóla samtals að fjárhæð kr. 385 þús. kr. Gert verði ráð fyrir fjárhæðinni í viðauka fjárhagsáætlunar. Fjárveiting komi af fjárhagsliðnum "óviss útgjöld" 21-95-4995-1.

14.Forsetakosningar 30. júní 2012

1204036

Bréf bæjarritara dags. 18. maí 2012 þar sem gerðar eru tillögur um fyrirkomulag á kjördegi, frágangi kjörskrár og launakostnað til kjörstjórna.

Bæjarráð leggur til við bæjarstjórn að tillagan verði samþykkt.

15.Langisandur - viðgerð á útisturtu

1205101

Bréf framkvæmdastjóra Framkvæmdastofu dags. 18. maí 2012, þar sem óskað er eftir aukafjárveitingu vegna viðgerða á sturtuaðstöðu við Langasand, áætlaður kostnaður er kr. 650.000,-

Bæjarráð beinir þeim tilmælum til framkvædaráðs að framkvæmdinni verði fundinn staður innan fjárhagsáætlunar.

16.Gjaldskrár íþróttamannvirkja 2012

1201089

Bréf framkvæmdastjóra Framkvæmdastofu dags. 18. maí 2012, þar sem lagt er til við bæjarráð að tillaga, um að taka upp sérstakt árskort í þreksal sem kostar kr. 28.900,-, verði samþykkt.

Bæjarráð leggur til við bæjarstjórn að tillagan verði samþykkt.

17.Sérdeild - umsókn um aukið fjármagn vegna ársins 2012.

1205114

Bréf framkvæmdastjóra Fjölskyldustofu dags. 17. maí 2012, þar sem óskað er eftir auknu fjármagni til reksturs sérdeildar fyrir árið 2012 að upphæð kr. 1.700.000,-

Bæjarráð óskar eftir nánari upplýsingum um málið.

18.Búseta fatlaðra framtíðarhugmyndir

1204075

Bréf framkvæmdastjóra Fjölskyldustofu dags. 18. maí 2012, þar sem lagt er til við bæjarráð að samþykkt verði viðbótarframlag að upphæð kr. 3.000.000,- til búsetuþjónustu, ásamt minnisblaði verkefnastjóra félagslegrar heimaþjónustu.

Bæjarráð tekur jákvætt í erindið, en frestar afgreiðslu þar til afstaða annarra sveitarfélaga liggur fyrir svo og tekjuöflun vegna verkefnisins.

19.Málefni aldraðra - skipan starfshóps

1203023

Bréf framkvæmdastjóra Fjölskyldustofu dags. 21. maí 2012 þar sem óskað er eftir fjárheimild bæjarráðs að upphæð kr. 250.000,-, vegna launa formanns í starfshópi um framtíðarskipulag öldrunarþjónustu á Akranesi.

Bæjarráð samþykkir að veita umbeðna fjárveitingu til starfshópsins að fjárhæð kr. 250 þús. kr. Gert verði ráð fyrir fjárhæðinni í viðauka fjárhagsáætlunar. Fjárveiting komi af fjárhagsliðnum "óviss útgjöld" 21-95-4995-1.

20.Starfsreglur um sérkennslu í leikskólum á Akranesi

1205051

Bréf framkvæmdastjóra Fjölskyldustofu dags. 21. maí 2012 þar sem nýjar reglur um sérkennslu í leikskólum á Akranesi eru lagðar fram til samþykktar.

Bæjarráð staðfestir reglurnar.

21.Strætó bs. - niðurgreiðsla á fargjöldum

1205123

Tölvupóstur sviðsstjóra skipulags- og þróunarsviðs Strætó bs. dags. 16. maí 2012 þar sem óskað er svara við breytingu á gjaldskrá.

Bæjarráð samþykkir að við breytingu á gjaldskrá Strætó bs sem tekur gildi í sumar, verði niðurgreiðslu Akraneskaupstaðar hætt á farmiðum. Breyting þessi hefur ekki áhrif gagnvart notendum strætó umfram hækkanir fyrirtækisins og þeir fjármunir sem kaupstaðurinn hefur lagt í niðurgreiðslurnar verði nýttar í aukið öryggi gagnvart farþegum, s.s. stærri og öflugri vagna á leið 57.

22.Stillholt 21 - framtíð lóðar.

1107105

Tölvubréf Skagatorgs ehf. dags. 16. maí 2012 vegna lóðar við Stillholt 21 ásamt gildandi samningum.

Bæjarráð getur ekki orðið við erindinu um innlausn lóðarinnar, en samþykkir samkvæmt beiðni fyrirtækisins frestun byggingarframkvæmda um tvö ár með skilyrðum að lóð verði haldið vel við.

23.Akraneshöfn 2012 - starfshópur v. uppbyggingar

1112153

Bréf Faxaflóahafna dags. 11. maí 2012 þar sem gerð er grein fyrir tilnefningu Faxaflóahafna í starfshóp um uppbyggingu Akraneshafnar. Faxaflóahafnir tilnefna Jón Þorvaldsson aðstoðarhafnarstjóra í starfshópinn.

Lagt fram.

24.Faxaflóahafnir sf. - fjárhagsáætlun 2012 endurskoðun

1205113

Bréf dags. 11. maí 2012 um endurskoðun fjárhagsáætlunar 2012 og rekstraryfirlit janúar til apríl 2012.

Lagt fram.

25.Höfðagrund - skemmdir á varnargarði

1205118

Bréf formanns húseigendafélags Höfðagrundar dags. 17. maí 2012 þar sem óskað er skjótra viðbragða vegna slysahættu sem myndast vegna skemmda á grjótvörn.

Bæjarstjóri upplýsti að nauðsynlegar viðgerðir væru hafnar. Bréfið lagt fram.

26.Lánasjóður sveitarfélaga - breytilegir útlánsvextir

1202069

Tölvupóstur Lánasjóðs sveitarfélaga dags. 14. maí 2012 um breytilega útlánavexti sjóðsins.

Lagt fram.

27.Skógræktarfélag - samstarf um skógrækt og útivistarsvæði

1205112

Tölvupóstur formanns Skógaræktarfélags Akraness dags. 14. maí 2012 um samstarf Skógræktarfélagsins við Akraneskaupstað.

Vísað til úrvinnslu starfsmanna- og gæðastjóra.

28.Fjármálaráðstefna sveitarfélaga 2012

1205130

Tölvupóstur Sambands íslenskra sveitarfélaga mótt: 22. maí 2012 um fyrirhugaða fjármálaráðstefnu dagana 27. og 28. september n.k.

Lagt fram.

29.Kynnisferð til Brussel 18.-20. júní.

1104132

Tölvupóstur Sambands íslenskra sveitarfélaga dags. 18. maí 2012 ásamt fylgigögnum.

Lagt fram.

30.Heilbrigðiseftirlit - greiðsluframlag 2012

1201193

Bréf Heilbrigðiseftirlits Vesturlands dags. 2. maí 2012.

Lagt fram.

31.Menningarráð Vesturlands - fundargerðir 2012

1202065

Fundargerðir Menningarráðs nr. 65 og 66 ásamt aðalfundargerð nr. 6.

Lagt fram.

32.SSV - stjórnarfundir 2012.

1203022

Fundargerð SSV frá 11. maí 2012.

Lagt fram.

Fundi slitið - kl. 18:30.

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00