Fara í efni  

Bæjarráð

3078. fundur 15. júlí 2010 kl. 17:00 í fundarherbergi 1, Stillholti 16-18
Nefndarmenn
  • Guðmundur Páll Jónsson formaður
  • Hrönn Ríkharðsdóttir varaformaður
  • Hjördís Garðarsdóttir varamaður
  • Einar Brandsson áheyrnarfulltrúi
  • Jón Pálmi Pálsson framkvæmdastjóri Framkvæmdastofu
Fundargerð ritaði: Jón Pálmi Pálsson framkvæmdastjóri
Dagskrá

1.Starf bæjarstjóra

1007049

Umsóknir um starf bæjarstjóra. Starfið var auglýst laust til umsóknar með umsóknarfresti til og með sunnud. 11. júlí s.l. Alls bárust 40 umsóknir um starfið, en þrír umsækjendur drógu umsókn sína til baka. Umsóknarferlið annaðist fyrirtækið Capacent Ráðningar.

Lagt fram til kynningar.

2.Brekkubæjarskóli - bónhreinsun

1007004

Bréf skólastjóra Brekkubæjarskóla, dags. 1. júlí 2010, þar sem sótt er um aukafjárveitingu vegna bónhreinsunar í skólanum að fjárhæð kr. 750.000.- Um er að ræða svæði sem er um 500 fermetrar að stærð.

Bæjarráð samþykkir erindið. Fjárveitingu vísað til endurskoðunar fjárhagsáætlunar 2010.

3.Vallarsel - sumarræsting

1007039

Bréf Huldu Sigurðardóttur, dags. 12. júlí 2010, þar sem óskað er eftir að breyting verði gerð á verksamningi um ræstingu í leikskólanum Vallarseli þannig að greitt verði fyrir ræstingu í leikskólanum 12 mánuði á ári.

Bæjarráð felur framkvæmdastjóra Framkvæmdastofu að ræða við bréfritara.

4.Tímaskráningarkerfi Akraneskaupstaðar.

909122

Bréf framkvæmdastjóra Framkvæmdastofu, dags. 12. júlí 2010, þar sem óskað er eftir að samþykkt bæjarráðs frá 30/9 2009 um bann við skráningu gegnum farsíma verði afnumin og framkvæmdastjórum stofa verði heimilað að meta og samþykkja slíkt fyrirkomulag telji þeir þörf á því vegna starfa viðkomandi starfsmanna.

Bæjarráð samþykkir erindið.

5.Reglur um veitingu fjárstyrks til að greiða fyrir lögmannsaðstoð í barnaverndarmálum

1007012

Bréf félagsmálastjóra, dags. 7. júlí 2010. Á fundi fjölskylduráðs 7. júlí 2010 var samþykkt tillaga að nýjum reglum um veitingu fjárstyrks til að greiða fyrir lögmannsaðstoð í barnaverndarmálum, en eldri reglur voru frá 1997. Í nýju reglunum er búið að binda fjárhæðir við framfærslukvarða. Fjölskylduráð samþykkti að vísa reglunum til staðfestingar í bæjarstjórn.

Bæjarráð samþykkir reglurnar.

6.OR - fjárhagsáætlun 2011-2015

1007053

Bréf stjórnar Orkuveitu Reykjavíkur dags. 13. júlí 2010 þar sem því er beint til eignaraðila að skipa rýnihóp sem fari yfir úttekt og greiningu á stöðu fyrirtækisins.

Bæjarráð samþykkir erindið og felur framkvæmdastjóra að skipa í hópinn í samráði við bæjarráð.

7.Kraftlyftingar - styrkbeiðni

1007041

Bréf Láru Bogeyjar Finnbogadóttur í tölvupósti, dags. 12. júlí 2010, þar sem óskað er eftir fjárstyrk vegna þátttöku í Norðurlandamóti í kraftlyftingum sem fram fer í Bergen í Noregi 26.-30. ágúst n.k.

Bæjarráð getur ekki orðið við erindinu og bendir á að bæjarfélagið styrkir félög innan ÍA með fjárframlögum í samræmi við reglur þar um.

8.Skólahreysti - styrkbeiðni 2010

1007052

Bréf Icefitness ehf. dags. í júlí 2010 þar sem sótt er um styrk vegna skólahreysti 2010.

Bæjarráð getur ekki orðið við erindinu.

9.Landsþing sambands íslenskra sveitarfélaga nr. XXIV

1007023

Bréf Sambands íslenskra sveitarfélaga, dags. 5. júlí 2010, þar sem boðað er til XXXIV landsþings sambandsins á Akureyri dagana 29. til 1. október 2010. Tilkynna þarf um kjör landsþingsfulltrúa bréflega í síðasta lagi fyrir 1. ágúst nk. til skrifstofu sambandsins.

Lagt fram.

10.Fundargerðir stjórnar Dvalarheimilisins Höfða 2010

1007046

Fundargerð 59. fundar stjórnar Dvalarheimilisins Höfða frá 7. júlí 2010.

Lögð fram.

11.Fundargerðir OR - 2010

1002247

Fundargerð 128. fundar stjórnar Orkuveitu Reykjavíkur frá 5. júlí 2010.

Lögð fram.

12.Menningarráð - Fundargerðir 2010.

1002152

Fundargerðir 44. og 45. funda Menningarráðs Vesturlands frá 2. júlí 2010 og fundargerð framhaldsaðalfundar frá 2. júlí 2010.

Lagðar fram.

Fundi slitið.

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00