Tómstunda- og forvarnarnefnd (2002-2008)
36. fundur í tómstunda- og forvarnarnefnd var haldinn í fundarsal bæjarskrifstofu, þriðjudaginn 31. ágúst 2004 og hófst hann kl. 17.15.
Sævar Haukdal, ritari
Hildur Karen Aðalsteinsdóttir
Eydís Líndal Finnbogadóttir
Íþróttabandalag Akraness:
Jón Þór Þórðarson
Sviðsstjóri tómstunda-
og forvarnarsviðs: Aðalsteinn Hjartarson
Dagskrá fundar:
1. Upplýsingar sviðsstjóra.
Sviðsstjóri skýrði frá stöðu mála.
2. Bréf frá bæjarráði vegna æfingatíma aldraðra í íþróttasal og sundlaug.
Beiðnin rædd og sviðstjóra falið að svara erindinu.
3. Hreyfing eflir hugann ? Evrópuár menntunar með iðkun íþrótta.
Lagt fram.
4. Endurskoðun viðmiðunarreglugerðar um úthlutun styrkja vegna barna og unglingastarfs í tómstundum á Akranesi.
Breytingar ræddar en ákvörðunar vísað til næsta fundar.
5. Bréf frá Tungusól vegna aðstöðu Sundfélagsins á Jaðarsbökkum.
Samningur er í gildi milli Akraneskaupstaðar og Sundfélags Akraness um rekstur ljósabekkja í íþróttamiðstöðinni að Jaðarsbökkum. Þar kemur fram m.a. að 20% af sölutekjum renna til Akraneskaupstaðar fyrir þá aðstöðu sem veitt er í miðstöðinni (almennt þrif húsnæðis og bekkja, rafmagn, afgreiðsla og sturtur). Fjármögnun og viðhald bekkja (perur, rafvirkjar, viðgerðir o.fl.) er alfarið í höndum og á kostnað Sundfélags Akraness.
Leggja þarf áherslu á að aðgangseyrir að ljósabekkjum innifelur ekki aðgang að sundlaug. Greiða þarf fyrir aðgang að sundlaug sérstaklega. Þegar tekið er tillit til þessa þá telur nefndin að ekki fari fram niðurgreiðsla á þjónustu íþróttamiðstöðvarinnar til Sundfélags Akraness og styðst nefndin þar við ákvörðun Samkeppnisráðs. nr. 3/2002.
6. Nýjar áherslur/nýting fjármagns æskulýðsdeildar ? 2. umræða.
Sævar Haukdal og Hildur Karen Aðalsteinsdóttir lögðu fram tillögu að breyttu skipulagi í æskulýðsmálum sem byggð var m.a. á hugmyndum sem þegar höfðu komið fram á fundum nefndarinnar. Tillagan var rædd en málinu vísað til næsta fundar.
7. Önnur mál.
Engin önnur mál.
Fleira ekki gert og fundi slitið kl. 19.15
