Starfshópur um atvinnu- og ferðamál (2013-2014)

Bókun bæjarráðs frá 12. desember sl. til kynningar.

Minnisblað verkefnastjóra um framvindu mála í atvinnu- og ferðamálum.

Erindi lagt til kynningar og hefur starfshópur atvinnu- og ferðamála á hug að leita eftir hugmyndum fyrir sumaropnun Akranesvita 2014. Málið verður tekið fyrir á næsta fundi.

Ingibjörg Valdimarsdóttir formaður starfshópsins kynnti samantekt eftir stefnumótunarfund sem haldinn var 30. nóvember sl. í Tónbergi. Samantektin var unnin út frá hópavinnu á fundinum og verður notuð til mótunar á nýrri stefnu í atvinnumálum á Akranesi. Starfshópurinn felur verkefnastjóra að útbúa kynningarefni úr samantektinni til að birta á heimasíðu bæjarins ásamt því að senda þátttakendum af stefnumótunarfundinum afrit í pósti. Starfshópurinn mun hitta fundarstjóra á næsta fundi til að taka næstu skref í stefnumótunarvinnunni.

Lagt fram.

Starfshópurinn fagnar því að óvissu sé eytt er varðar sementsverksmiðjureitinn og er sannfærður um að það muni færa kaupstaðnum tækifæri í framtíðinni, m.a. í atvinnu- og ferðamálum.

Starfshópurinn fagnar einnig ákvörðun Norðanfisks um fjárfestingu á húsnæði fyrir rekstur fyrirtækisins á Akranesi.