Skóla- og frístundaráð

Skóla- og frístundaráð leggur til við bæjarráð að bjóða foreldrum uppá gjaldfrjálsa daga í leikskólum bæjarins 23. 27 28. 29. og 30.desember 2022. Þar sem foreldrum verður gefinn kostur á að velja alla dagana eða staka daga á uppgefnu tímabili.

Meginmarkmið með þessu fyrirkomulagi er að veita foreldrum og börnum tækifæri til samveru og ekki síður að gefa börnunum tækifæri til frídaga. Langir leikskóladagar geta verið litlum börnum krefjandi og því mikilvægt að grípa tækifæri þegar þau gefast til að börnin fái hvíld og frí. Þessir dagar skapa einnig svigrúm í leikskólanum til að bjóða starfsmönnum að nýta eftirstöðvar orlofsdaga og/eða taka út styttingu vinnuvikunnar.

Lagt fram til umræðu.

Sviðstjóra falin áframhaldandi vinna í tengslum við endurskoðun á reglum um niðurgreiðslur vegna dvalar barna hjá dagforeldrum.

Ragnheiður Rún Gísladóttir fulltrúi stjórnar Körfuknattleiksfélags ÍA kom inn á fundinn undir þessum lið.

Skóla- og frístundaráð þakkar Ragnheiði Rún fyrir kynningu á erindi frá Körfuknattleiksfélagi ÍA. Ráðið leggur til að óskirnar verði teknar til skoðunar í tengslum við fjárhagsáætlunargerð og vísar erindinu til bæjarráðs.