Skipulags- og umhverfisráð

Björn Breiðfjörð Gíslason verkefnastjóri tekur sæti á fundinum.
Björn lagði fram drög að eyðublaði þar sem framkvæmdaraðilar sem þurfa að vinna í bæjarlandinu geta sótt um afnotaleyfi.
Skipulags- og umhverfisráð samþykkir ofangreint eyðublað og bendir verktökum að sækja sérstaklega um þegar þeir hyggjast framkvæma verk í bæjarlandi Akraneskaupstðar.

Lögð fram þjónustugjaldskrá fyrir skipulags- og byggingarmál og tengd þjónustugjöld.
Málið verður tekið upp aftur á næsta fundi ráðsins.

Björn fór yfir hugmyndir varðandi fyrirkomulag sorpmála á árinu 2023.

Eftirfarandi tilboð bárust:

Orkusalan: verð pr. kWh almenna notkun 6,16 kr., verð pr. kWh fyrir götulýsingu 6,16 kr.
N1 Rafmagn: verð pr. kWh almenna notkun 5,98 kr., verð pr. kWh fyrir götulýsingu 5,98 kr.
ON: verð pr. kWh almenna notkun 6,86kr., verð pr. kWh fyrir götulýsingu 5,89 kr.

Skipulags- og umhverfisráð leggur til að gengið verði til samninga við lægstbjóðanda þ.e. N1 Rafmagn.

Björn Breiðfjörð Gíslason vék af fundi eftir þennan dagskrárlið.

Jón Arnar Sverrisson garðyrkjustjóri tekur sæti á fundinum. Hann fór yfir ástand braggans í skógræktinni, á lóðinni Ásar/Skógrækt.

Haft verður frekara samráð við Minjastofnun um varðveislugildi braggans.

Jón Arnar kynnir hugmyndir að aðkomuskilti á leiðinni inn í bæinn. Honum falið að vinna málið áfram.
Jón Arnar víkur af fundi eftir þennan fundarlið.

Ásbjörn Egilsson verkefnastjóri og Alfreð Alfreðsson rekstrarstjóri áhaldahúss taka sæti á fundinum. Þeir kynntu helstu framkvæmdir sem þurfa að fara fram í kjallara íþróttahúss á Vesturgötu m.t.t. framtíðarnýtingar hans.
Skipulags- og umhverfisráð felur Ásbirni og Alfreð frekari vinnslu málsins.

Ásbjörn Egilsson verkefnastjóri og Alfreð Alfreðsson rekstrarstjóri áhaldahúss fóru yfir stöðu framkvæmda við leikskólann í Asparskógum 25.

Ásbjörn fór yfir hugmyndir varðandi viðhald á ytra byrði Akraneshallar, jafnframt hugmyndir um að einangra húsið og ná meiri hita inn í það að vetrarlagi.

Skipulags- og umhverfisráð felur Árbirni frekari vinnslu málsins í samvinnu við helstu hagsmunaaðila.

Ásbjörn og Alfreð fóru fyrir ástandsskoðun á tónlistarskólanum og bókasafninu.

Skipulags- og umhverfisráð felur Ásbirni og Alfreð að vinna að gerð útboðsgagna.

Ásbjörn fór yfir beiðni körfuknattleiksfélag ÍA um kaup á Led skjá í íþróttahúsið á Vesturgötu.

Ásbirni falið að afla frekari upplýsinga um málið.

Ásbjörn Egilsson og Alfreð Alfreðsson viku af fundi að loknum þessum fundarlið.

Skipulags- og umhverfisráð leggur til við bæjarráð að Akraneskaupstaður taki þátt í verkefninu.

Halla Marta Árnadóttir skipulagsfulltrúi fór yfir helstu tillögur varðandi hugmyndasamkeppni á Breið.
Skipulagsfulltrúa falið að koma með tillögu að greinargerð sem endurspegli vilja ráðsins til áframhaldandi skipulagsvinnu.

Skipulags- og umhverfisráð leggur til við bæjarstjórn að deiliskipulag á Garðabraut 1, verði auglýst í samræmi við 41.grein, skipulagslaga nr. 123/2010.