Fara í efni  

Skipulags- og umhverfisráð

142. fundur 27. janúar 2020 kl. 08:15 - 11:30 í bæjarþingsalnum, Stillholti 16-18
Nefndarmenn
  • Ragnar B. Sæmundsson formaður
  • Ólafur Adolfsson varaformaður
  • Gerður Jóhanna Jóhannsdóttir aðalmaður
Starfsmenn
  • Stefán Þór Steindórsson byggingarfulltrúi
  • Hafdís Sigurþórsdóttir fulltrúi
  • Sævar Freyr Þráinsson bæjarstjóri
Fundargerð ritaði: Hafdís Sigurþórsdóttir fulltrúi
Dagskrá

1.Deiliskipulag - Garðabraut 1

1911181

Uppkast af skipulagslýsingu lögð fram.
Skipulags- og umhverfisráð felur Sigurði Páli Harðarsyni sviðsstjóra að vinna málið áfram í samráði við skipulagshönnuð.

2.Deiliskipulag Skógarhverfi - Asparskógar 13

2001207

Fyrirspurn um að reisa fjölbýlishús fyrir allt að 13 litlar íbúðir á lóðinni. Gert er ráð fyrir íbúðum á bilinu 31 - 52m² að nettóstærð. Bygging á tveimur hæðum og 13 bílastæði á lóð í stað 12.
Skipulags- og umhverfisráð leggur til við bæjarstjórn að heimila hámark 13 íbúðir í stað 12. Breytingin varðar ekki hagsmuni annarra en Akraneskaupstaðar og umsækjanda og telst því óverulegt frávik frá deiliskipulagi. Deiliskipulagsbreytingin er samþykkt skv. 3. mgr. 43. gr. skipulagslaga nr. 123/2010.


3.Deiliskipulag Flóahverfis - breyting

2001205

Drög að breytingu deiliskipulags Flóahverfis.
Skipulags-og umhverfisráð samþykkir framkomna breytingu á greinargerð er felst í því að heimilt verða að skipta upp fyrirliggjandi lóðum.

Skipulags- og umhverfisráð leggur til við bæjarstjórn að heimila ofangreinda breytingu um frekari skiptingu lóða. Breytingin varðar ekki hagsmuni annarra en Akraneskaupstaðar og umsækjanda og telst því óverulegt frávik frá deiliskipulagi. Deiliskipulagsbreytingin er samþykkt skv. 3. mgr. 43. gr. skipulagslaga nr. 123/2010.


4.Akraneslína 2 - lagning jarðstrengs

1912020

Erindi Skipulagsstofnunar dags. 2. desember 2019, þar sem óskað er umsagnar um lagningu jarðstrengs frá tengivirki á Akranesi að tengivirki við Brennimel.
Mat á umhverfisáhrifum Akraneslínu 2 - jarðstrengs milli Akraness og Brennimels.

Skipulags- og umhverfisráð tók fyrir erindi Skipulagsstofnunar, dags. 3. desember 2019, þar sem óskað er umsagnar um hvort og á hvaða forsendum lagningu jarðstrengs Akraneslínu 2 skuli háð mati á umhverfisáhrifum.

Skipulags- og umhverfisráð telur að nægjanlega sé gerð grein fyrir framkvæmdinni, umhverfi hennar og að framkvæmdin skuli ekki háð mati á umhverfisáhrifum, m.a. þar sem með framkvæmdinni verði aflagðar loftlínur á svæðinu og er gert ráð fyrir strengnum í aðalskipulagi. Þá verður lögnin að hluta í veghelgunarsvæði Vegagerðarinnar þar sem við á. Hvorki er þörf á vegagerð vegna verkefnisins né efnistöku. Leitast verður við að hafa jarðrask sem minnst. Framkvæmdin er framkvæmdaleyfisskyld af hálfu sveitarfélagsins.

5.Breiðin - valkostagreining

1909080

Bæjarráð vísar málinu til skipulags- og umhverfisráðs og felur bæjarstjóra frekari úrvinnslu málsins.
Sævar Freyri Þráinsson bæjarstjóri fór yfir valkostagreiningu um framtíðar uppbyggingu á Breið og nærumhverfi á Akranesi.

Skipulags- og umhverfisráð þakkar góða kynningu og felur bæjarstjóra frekari úrvinnslu málsins.

6.Reynigrund 5 - umsókn um byggingarleyfi

1906020

Svör við ábendingum sem bárust við grenndarkynningu.
Svör við ábendingum lagðar fram. Stefáni Þór Steindórssyni falið að vinna málið áfram

7.Stofnanalóðir - arkitektaútboð

2001204

Kynnt drög að útboðsgögnum vegna hönnunar lóða við Brekkubæjarskóla og Grundaskóla.

Skipulags- og umhverfisráð felur Sindra Birgissyni að vinna málið áfram.

8.Hleðslustöðvar á Akranesi - samstarf

1905206

Jón Ólafsson verkefnastjóri lagði fram tillögu um styrkveitingar vegna hleðslustöðva fyrir fjöleignahús. Ellefu umsóknir bárust, þar af voru fimm gildar samkvæmt reglum um styrki. Heildarupphæð styrkumsókna er kr. 11.669.099. Úthlutað verður að þessu sinni kr. 4.936.715.

Skipulags- og umhverfisráð samþykkir tillögu verkefnastjóra og felur honum að auglýsa að nýju eftir umsóknum seinni hluta árs.

9.Höfðasel 16 - viðhaldsverkefni

1911011

Jón Ólafsson verkefnstjóri lagði fram samning við Akur ehf.
varðandi framkvæmd við pressuhús á gámastöð.

Skipulags- og umhverfisráð samþykkir fyrirliggjandi samning.

10.Stærra viðhald fasteigna

1912193

Opnun tilboða 24. janúar 2019 í verkin þak Brekkubæjarskóla og Bjarnarlaugar.
Eftirfarandi tilboð bárust í Bjarnalaug þakviðgerðir 2020:

SF smiðir ehf. kr. 7.562.500
Trésmiðjan Akur ehf. kr. 6.094.899
GS Import ehf. kr. 5.598.900

Kostnaðaráætlun var kr. 6.582.000

Eftirfarandi tilboð bárust í verkið Brekkubæjarskóli þakviðgerðir 2020.
SF smiðir ehf. kr. 21.838.000
Trésmiðjan Akur ehf. kr. 22.047.477
GS Import ehf. kr. 15.461.800
Kostnaðaráætlun kr. 18.580.000

Skipulags- og umhverfisráð felur sviðsstjóra að ganga til samninga við lægstbjóðanda.

Fundi slitið - kl. 11:30.

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00