Fara í efni  

Skipulags- og umhverfisráð

71. fundur 17. október 2017 kl. 16:15 - 18:15 í fundarherbergi 3. hæð, Stillholti 16-18
Nefndarmenn
  • Einar Brandsson formaður
  • Valgarður L. Jónsson aðalmaður
  • Kristín Sigurgeirsdóttir áheyrnarfulltrúi
Starfsmenn
  • Sigurður Páll Harðarson sviðsstjóri skipulags- og umhverfissviðs
  • Stefán Þór Steindórsson byggingarfulltrúi
  • Hafdís Sigurþórsdóttir fulltrúi
  • Sindri Birgisson umhverfisstjóri
Fundargerð ritaði: Hafdís Sigurþórsdóttir fulltrúi
Dagskrá

1.Umhverfisviðurkenningar 2017

1708089

Auglýst var eftir tilnefningum í eftirfarandi flokk:

1.Falleg einbýlishúsalóð
2.Falleg fjölbýlishúsalóð
3.Snyrtileg fyrirtækja- eða stofnanalóð
4.Hvatningarverðlaun, eru veitt þeim sem hafa staðið að endurgerð húsa og/eða lóða
5.Samfélagsverðlaun, eru veitt einstaklingum, hópum og/eða félagasamtökum sem vinna óeigingjarnt starf í þágu umhverfisins
6.Tré ársins

Nefnd fór yfir tilnefningarnar sem bárust og kynnti vinnu sína á síðasta fundi.
Skipulags- og umhverfisráð samþykkti viðurkenningar til umhverfisverðlauna fyrir árið 2017.

2.Vesturgata 137 - fyrirspurn

1709149

Fyrirspurn um stækkun húss um allt að 54,5m2. Húsið tilheyrir deiliskipulagi Stofnanareits, nýtingarhlutfall skal ekki vera hærra en 0,4 skv. greinargerð. Ekki eru sýndir byggingarreitir innan skipulagsins.
Skipulags- og umhverfisráð tekur jákvætt í erindið.

3.Sementsverksmiðjan - rif á mannvirkjum

1705122

Alls bárust tólf tilboð í verkið. Lægstbjóðandi var Work North ehf. sem bauð kr. 175.279.000 í tilhögun 1 og kr. 160.722.000 í tilhögun 2.

Kostnaðaráætlun Mannvits í tilhögun 1 var kr.326.130.000 og í tilhögun 2 kr.271.260.000.

Skipulags- og umhverfisráð samþykkir að gengið verði til samninga við lægstbjóðanda um tilhögun 1 í verkið.

4.Lækjarflói í Flóahverfi - lagerpláss fyrir rör OR í aðveitulögn

1710061

Beiðni Veitna ehf. um að fá að nýta svæði í Lækjarflóa í Flóahverfi fyrir lager af nýjum rörum í aðveitulögn í allt að ár.
Skipulags- og umhverfisráð tekur jákvætt í erindið og felur sviðstjóra að ganga frá samkomulagi við Veitur ohf.

5.Gjaldskrár skipulags- og umhverfissviðs (gatnagerðargjöld og fl.)

1708044

Sviðstjóri fór yfir vinnuskjal um gatnagerðargjöld.

6.Fjárfestinga- og framkvæmdaáætlun 2018-2022.

1710116

Sviðsstjóri fór yfir stöðu fjárfestinga og framkvæmda á árinu 2017. Ennfremur voru lögð drög að fjárfestingar-og framkvæmdaáætun fyrir tímabilið 2018-2022.

7.Umhverfisvottun Faxaflóahafna

1710119

Bréf Faxaflóahafna dags. 10. okt. 2017 varðandi umhverfisvottun.
Skipulags- og umhverfisráð óskar Faxaflóahöfnum til hamingju með umhverfisvottunina og tekur undir mikilvægi þess að umhverfismál skulu ávallt höfð að leiðarljósi í umgengni og starfsemi sveitarfélaga og fyrirtækja.

Fundi slitið - kl. 18:15.

   
Fara efst
á síðu
  • AkraneskaupstaðurDalbraut 4, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00