Skipulags- og umhverfisnefnd (2009-2014)

Samkvæmt minnisblaði sem Verkfræðistofan EFLA hefur tekið saman fyrir Skipulags- og umhverfisnefnd munu þær hugmyndir sem fram hafa verið settar ekki skapa umferðaleg vandamál á svæðinu.

Nefndin telur hinsvegar að gera verði þá kröfu að miða skuli við 1 bílastæði fyrir hverja 35 m2 gólfflatar. Fyrirliggjandi hugmyndir uppfylla ekki þær kröfur sem gera þarf til fjölda bílastæða fyrir svo stórt hótel.

Lögð fram tillaga með minniháttar lagfæringum frá þeirri tillögu sem rædd var á síðasta fundi.

Skipulags- og umhverfisnefnd samþykkir að tillagan verði auglýst skv. 25. gr. skiplags- og byggingarlaga nr. 73/1997.

Björn Guðmundsson óskaði eftir af fram kæmi að hann telur rétt að byggingarreitir Vesturgötu 49 og 51 séu í götulínu en tillagan gerir ráð fyrir að þeir séu 2 metra frá lóðamörkum.

Deiliskipulagstillagan var auglýst 30. des. 2008 en engar athugasemdir hafa borist.

Skipulags- og umhverfisnefnd samþykkir að leggja til við bæjarstjórn að tillagan verði samþykkt.

Sverrir Bollason frá VSÓ mætti á fund nefndarinnar og kynnti "Hjólreiðaáætlun" sem hann hefur unnið fyrir Vegagerðina.