Skipulags- og umhverfisnefnd (2009-2014)

Skipulags- og umhverfisnefnd heimilar Einari J. Ólafssyni að láta vinna tillögu að breytingu á deiliskipulagi Arnardals vegna fyrirhugaðrar stækkunnar húss nr 46 við Kirkjubraut.

Nefndin leggur áherslu á að í tillögunni verði gætt að samræmi milli nýbyggingar og eldra húss hvað varðar form og hæð.

Erindi frá Hestamannafélaginu Dreyra var vísað frá framkvæmdarráði til umfjöllunar skipulags- og umhverfisnefndar. Erindi Dreyra gengur út á að fá úthlutað nýju landi undir keppnisvöll félagsins á svæði vestan við land Ármanns Gunnarssonar.

Skipulags- og umhverfisnefnd telur eðlilegt að þessi beiðni verði tekin til nánari umfjöllunnar við endurskoðun aðalskipulagsins sem stendur nú yfir.

Skipulags- og umhverfisnefnd tekur undir þær tillögur sem framkvæmdarstjóri kynnti fyrir nefndinni. Nefndin leggur jafnframt áherslu á að til viðbótar verði sérstaklega hugað að umhverfis- og umferðaröryggismálum við gerð fjárhagsáætlunnar fyrir árið 2012

Skipulags- og umhverfisnefnd getur ekki fallist á að lóðinni Miðbær 1 verði úthlutað fyrir eldsneytisafgreiðslustöð. Nefndin leggur því til við bæjarráð að beiðni Atlantsolíu ehf verði hafnað. Nefndin leggur til að Atlantsolíu ehf verði boðin önnur lóð fyrir starfsemina.