Fara í efni  

Skipulags- og umhverfisnefnd (2002-2006)

81. fundur 06. desember 2004 kl. 16:00 - 18:45

81. fundur skipulags- og umhverfisnefndar Akraness haldinn í bæjarþingsal að Stillholti 16-18 , mánudaginn 6. desember 2004 kl. 16:00.


 

Mætt á fundi:           

Magnús Guðmundsson formaður

Þráinn Elías Gíslason

Kristján Sveinsson

Eydís Aðalbjörnsdóttir

Edda Agnarsdóttir

Auk þeirra voru mætt

Þorvaldur Vestmann sviðsstjóri tækni og umhverfissviðs

Guðný J. Ólafsdóttir sem ritaði fundargerð

 

 

1.

Akratorgsreitur - Hvítanesreitur, deiliskipulagsbreyting

 

Mál nr. SU030044

 

410169-4449 Akraneskaupstaður, Stillholti 16-18, 300 Akranesi

Tryggvi Bjarnason hdl. kom á fundinn og kynnti greinargerð sína fyrir nefndinni.

Skipulags- og umhverfisnefnd gerir greinargerð Tryggva að sinni og samþykkir að hún verði send úrskurðarnefnd skipulags-og byggingarmála.

 

2.

Akratorg - framtíðarskipulag, samkeppni um framtíðar skipulag fyrir Akratorg og næsta nágrenni

 

Mál nr. SU040082

 

410169-4449 Akraneskaupstaður, Stillholti 16-18, 300 Akranesi

Dýrfinna Torfadóttir formaður dómnefndar um samkeppni deiliskipulags á Akratorgsreit mætir á fund skipulags- og umhverfisnefndar til að ræða um vinnu dómnefndarinnar.

Kynntar voru samkeppnisreglur Arkitektafélags Íslands. Lagt er til að fundir dómnefndarinnar verði haldnir  að Dalbraut 8.

Skipulags- og umhverfisnefnd leggur áherslu á að dómnefndin hefji störf strax og samningur við Arkitektafélag Íslands um samkeppnina hefur verið undirritaður.

  

3.

Klasi 1 - 2, Eyrarflöt 4, nýtt hús

 

Mál nr. BN040003

 

670184-0489 Verkvík ehf, Þykkvabæ 13, 110 Reykjavík

Erindi frá  Almennu verkfræðistofunnar hf. f.h. lóðarhafa um deiliskipulagsbreytingu þar sem farið er fram á fjölgun íbúða úr 6 í 8 og breikkun á byggingarreit um 1.60 m þannig að hann verður 13,6 m. Bifreiðastæði verða 16 þar af eitt fyrir fatlaða.

Skipulags- og umhverfisnefnd samþykkir umbeðnar breytingar á deiliskipulaginu og leggur til að breytingarnar verði grenndarkynntar skv. 2. mgr. 26. gr. skipulags- og byggingarlaga nr. 73/1997.

Grenndarkynningin nái til eftirtalinna lóðarhafa: Dalsflöt 7 og 11 og Eyrarflatar 2 og 6. Umsækjandi ber kostnað af breytingunni. 

 

4.

Höfðasel 2, Stækkun lóðar

 

Mál nr. SU040094

 

701267-0449 Þorgeir og Helgi hf, Höfðaseli 4, 300 Akranesi

Beiðni Þorgeirs og Helga hf. um stækkun á lóð nr. 2 við Höfðasel. Stækkunin yrði 57 m til vesturs skv. meðfylgjandi uppdrætti.

Nefndin tekur jákvætt í beiðni Þorgeirs og Helga hf. um stækkun lóðarinnar en tekur fram að erindið kallar á breytingu á gildandi deiliskipulagi og að umsækjandi skal leggja fram nauðsynlega uppdrætti. Breytingarnar eru á kostnað umsækjanda.

  

5.

Vesturgata 14, skilgreining á byggingareit

 

Mál nr. SU040095

 

610596-2829 Trésmiðja Þráins E. Gíslas sf, Hafnarbraut 8, 300 Akranesi

Erindi Runólfs Sigurðssonar f.h. Trésmiðju Þráins E. Gíslasonar dags. 30. nóvember þar sem beðið er um samþykki við skilgreiningu á byggingarreit og nýtingarhlutfalli á lóð nr. 14 við Vesturgötu.

Skipulags- og umhverfisnefnd tekur jákvætt í erindið en telur nauðsynlegt að skilgreina nánar hvar heimilt verði að reisa þjónustubyggingu upp á tvær hæðir innan byggingarreitsins.

Þráinn Gíslason vék af fundi á meðan á afgreiðslu stóð.

 

6.

Klasi 3 - 4, Tindaflöt 2-8, deiliskipulagsreyting

 

Mál nr. SU040086

 

560692-2779 Dalshöfði ehf. byggingarfélag, Suðurlandsbraut 30, 108 Reykjavík

Erindi Jóns Pálssonar verkefnisstjóra dags. 30.11.2004  f.h. Dalshöfða ehf. um breytingu á skipulagi lóðarinnar Tindaflöt 2-8 skv. meðfylgjandi gögnum.

Skipulags- og umhverfisnefnd samþykkir umbeðnar breytingar á deiliskipulaginu miðað við fjölgun íbúða úr 35 í 37 og leggur til að breytingarnar verði grenndarkynntar skv. 2. mgr. 26. gr. skipulags- og byggingarlaga nr. 73/1997.

Grenndarkynningin nái til eftirtalinna lóðarhafa: Steinsstaðaflöt 2, 3, 10, 25-27 og Tindaflöt 1, 3, 5, 12 , 14 og 16.

Umsækjandi ber kostnað af breytingunni.

 

7.

Klasi 9 - Smáraflöt 3 og 5, deiliskipulagsbreyting

 

Mál nr. SU040097

 

660169-2379 Íslenskir aðalverktakar hf, Keflavíkurflugvelli, 235 Keflavíkurflugvöllur

Bréf Runólfs Þ. Sigurðssonar f.h. Íslenskra aðalverktaka dags. 02.12.2004 þar sem farið er fram á deiliskipulagsbreytingu á lóðum nr. 3 og 5 við Smáraflöt skv. meðfylgjandi gögnum.

Skipulags- og umhverfisnefnd samþykkir umbeðnar breytingar á deiliskipulaginu og leggur til að breytingarnar verði grenndarkynntar skv. 2. mgr. 26. gr. skipulags- og byggingarlaga nr. 73/1997.

Grenndarkynningin nái til eftirtalinna lóðarhafa: Smáraflöt 11, 12, 14, 16, 18 og 20.  Umsækjandi ber kostnað af breytingunni.

 

  

8.

Miðbæjarreitur, deiliskipulagsbreyting

 

Mál nr. SU040063

 

440403-3010 Skagatorg ehf, Stillholti 18, 300 Akranesi

Bæjarráð hefur vísað erindi frá Skagatorgi ehf til umfjöllunar nefndarinnar þar sem fyrirtækið óskar eftir að breytingar verði gerðar á gildandi deiliskipulagi Miðbæjarreits. Ástæður breytinganna eru óvæntar grundunaraðstæður sem gera það illframkvæmanlegt að ráðast í fyrirhugaðar framkvæmdir skv. núgildandi skipulagi.

Tillaga Skagatorgs ehf gerir ráð fyrir að verslunarmiðstöð verði færð nær Dalbraut og að bæði fjölbýlishúsin verði í vesturhorni byggingarsvæðisins.

Skipulags- og umhverfisnefnd samþykkir að fela sviðsstjóra að láta gera nýja athugun á umferðarsköpun, athugun á skuggavarpi og að óska eftir því við Skagatorg ehf að lagðar verði fram þrívíddarmyndir skv. nýju tillögunni. Þessi gögn verði lögð fyrir nefndina áður en afstaða er tekinn til tillögunnar.

Skipulags-og umhverfisnefnd lítur svo á að með þessu erindi hafi Skagatorg ehf. dregið til baka ósk sína um breytingu á deiliskipulagi við Stillholt 21 sem nú er í vinnslu og þeirri málsmeðferð verði hætt.

                                 

9.

Akratorg - Hvítanesreitur, Kirkjubraut 12-18

 

Mál nr. SU040098

 

430590-1549 Sveinbjörn Sigurðsson ehf, Smiðshöfða 7, 110 Reykjavík

Erindi Sveinbjörns Sigurðssonar ehf. þar sem farið er fram á lokun Kirkjubrautar frá Akurgerði að Merkigerði.

Skipulags- og umhverfisnefnd gerir ekki athugasemd við að Kirkjubraut verði gerð að einstefnugötu meðan á uppgreftri og fyllingu í grunn Kirkjubrautar 12-18 stendur.

Gerð er krafa á verktakann um reglulega hreinsun á götunni og að takmarka áhrif framkvæmdarinnar sem mest, ekki síst þar sem jólaverslun stendur yfir á svæðinu.

 

10.

Tillaga um skipulag næsta klasa,

 

Mál nr. SU040099

 

Rætt um mikla eftirspurn eftir lóðum fyrir einbýli, raðhús og parhús á Akranesi.

Nefndin telur nauðsynlegt að skipuleggja sem fyrst nýjan klasa sem einkennist aðallega af sérbýli.

Formanni og sviðsstjóra falið að ræða málið við bæjarráð.

 

Fleira ekki gert, fundi slitið kl. 18:45

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00