Notendaráð um málefni fatlaðs fólks á Akranesi

Á fundi bæjarráðs þann 8. apríl sl. beindi Skipulags- og umhverfisráð því til bæjarráðs að stofnaður yrði vinnuhópur um viðhald og stækkun húss Fjöliðjunnar vinnu- og hæfingarstað við Dalbraut 10 vegna bruna sem átti sér stað í starfsstöðinni 7. maí 2019. Bæjarráð fól bæjarstjóra að skipa vinnuhópinn með fulltrúum embættismanna. Vinnuhópurinn leggur nú fyrir Notendaráð nokkrar mögulegar sviðsmyndir um uppbyggingu og óskar eftir umsögn Notendaráðs.



Karl Jóhann Haagensen verkefnastjóri skipulags- og umhverfissviðs, Alfreð Þór Alfreðsson rekstrarstjóri áhaldahúss og umsjónarmaður fasteigna og Guðmundur Páll Jónsson forstöðumaður Fjöliðjunnar vinnu- og hæfingarstað mættu á fund notendaráðsins og kynntu mögulegar sviðsmyndir uppbyggingar starfsemi Fjöliðjunnar á núverandi stað við Dalbraut 10. Notendaráð mun ljúka við umsögn sína á næsta fundi ráðsins.