Menningar- og safnanefnd

Menningar- og safnanefnd fer yfir tillögur til menningarverðlauna Akraneskaupstaðar 2025.

Nefndin þakkar fyrir fjölda tilnefninga. Nefndin leggur til að verðlaunin verði veitt á setningu Vökudaga líkt og undanfarin ár.

Verkefnastjóra er falið að koma niðurstöðu nefndarinnar ásamt rökstuðningi á framfæri við Bæjarráð og Bæjarstjórn.

Samþykkt einróma.

Menningar- og safnanefnd þakkar verkefnastjóra fyrir yfirferð á ríkulegri dagskrá Vökudaga og metnaðarfullan bækling sem gerir hátíðinni góð skil og verður borin í öll hús á Akranesi.

Nefndin fagnar því hve öflugir einstaklingar og hópar eru í viðburðarhaldi hátíðarinnar sem vaxið hefur gríðarlega síðustu ár.

Dagskrá hátíðarinnar mun birtast í heild sinni á viðburðardagatali www.akranes.is og á miðlum Vökudaga - Nefndin hvetur öll áhugasöm til að taka þátt í menningarhátíðinni 23. okt - 2. nóv.