Menningar- og safnanefnd

Nefndin leggur til við bæjarráð að gerður verði rekstrarsamningur við viðkomandi enda endurspegli beiðnin vel áherslur í þeirri stefnumótun sem unnið er að í menningarmálum kaupstaðarins. Forstöðumanni er falið að koma erindi þess efnis á framfæri við bæjarráð.

Forstöðumaður kynnti stöðu verkefna.

Nefndin samþykkir tillögu forstöðumanns um að ekki verði framhald á veitingarekstri í Safnaskála að svo búnu. Þess í stað verður útbúin aðstaða í safnhúsi þar sem safngestum er boðið uppá molakaffi. Forstöðumanni er falið að móta tillögu að framtíð Safnaskála með hagsmuni Byggðasafnsins að leiðarljósi í samræmi við umræður á fundinum.

Nefndin tók ákvörðun um að draga Akranes út úr þátttöku í verkefninu. Umfang og markmið verkefnisins eru óljós og hafa ítrekað tekið breytingum frá árinu 2015 þegar viðræður um samvinnu hófust. Nefndin þakkar listakonunum sýndan áhuga og óskar þeim velfarnaðar með framhaldið.