Menningar- og safnanefnd

Verkefnastjóri lagði fram yfirlit yfir fjölbreytt verkefni menningarmála. Menningar- og safnanefnd ræddi um verkefnin sem framundan eru.

Menningar- og safnanefnd fjallaði um styrkumsóknir til menningarmála sem voru 16 talsins, samtals að upphæð 5.754.000 kr. Alls eru 2.000.000 til úthlutunar til mennningarmála. Nefndin mun fjalla áfram um málið á næsta fundi sínum.

Menningar- og safnanefnd leggur til við bæjarráð að gengið verði frá kaupum á listaverkinu Síberíu af Elsu Maríu Guðlaugsdóttur og fagnar frumkvæði listamannsins. Einnig leggur nefndin til við bæjarráð að verkinu verði fundinn framtíðarstaður í samráði við garðyrkjustjóra og listamanninn sjálfan.

Menningar-og safnanefnd óskar eftir því að bæjarstjóri hefji undirbúning að ráðningu verkefnisstjóra fyrir Írska daga 2016 í samráði við nýjan forstöðumann menningar-og safnamála.

Fulltrúar í menningar- og safnanefnd vilja færa Önnu Leif Elídóttir, verkefnastjóra menningarmála hjá Akraneskaupstað, sérstakar þakkir fyrir frábært samstarf. Það hefur verið sérstaklega gott að leita til hennar, hún hefur verið ráðagóð, drífandi, samstarfsfús og hugsað lausnamiðað auk þess að vera óeigingjörn á tíma sinn; í alla staði gott að vinna með henni. Anna Leif hefur ávallt staðist fjárhags- og tímaramma í vinnu sinni. Við viljum færa henni kærar kveðjur og óska henni velfarnaðar í hverju því sem hún tekur sér fyrir hendur.