Bæjarstjórn unga fólksins

Sóley Brynjarsdóttir tók fyrst til máls hún fjallaði um nýja sýn á vinnuskólann.

Ákall á fjölbreyttari verkefni t.d. listsköpun, blása lífi í bæjarfélagið með uppákomum t.d. í tengslum við Írskadaga. Vera í meira sambandi við atvinnulífið - gæti gefið ungmennum tækifæri til framtíðar, með því að fá tækifæri til að prófa fjölbreyttari störf.

Vinnuskóli er skóli - fá fræðslu um hvernig á að gera ferilskrár - kynningarbréf, skattaframtal, lesa úr launaseðlum o.þ.h. betri undirbúningur fyrir lífið.

Dæmi um fjölbreytt verkefni vinnuskóla er jafningafræðsla í Reykjavík - samstarfsverkefni vinnuskólans og við Hitt húsið, frábær fyrirmynd.

Eydís Glóð Guðlaugs Drífudóttir, fjallaði um aukna þörf á að bæta kynfræðslu í grunnskólunum.

Þörf á aukinni kynfræðslu í grunnskólunum ekki bara í þemaviku í viku 6, Ósk um jafna og stöðuga kennslu yfir allt árið. Sama kennslan fyrir stráka og stelpur þannig læra kynin að bera virðingu fyrir hvort öðru. Einnig þarf fæðslan að fylgja þroskaskeiði barna. Kennari þarf að hafa fagþekkingu á málefninu.
Mikilvægast er að læra um/á réttindi sín.

Karen Þorgrímsdóttir tók til máls og flutti tvö mál annars vegar um skólasund og hins vegar um mötuneyti grunnskólanna.
Skólasund - 1 x í viku í 10 ár, með aldrinum verður sundið leiðigjarnt - þarf að vera sund í 10 ár? Má klára sundstigin fyrr?

Breyta fyrirkomulagi á sundi - er hægt að hafa sund sem valgrein á unglingastigi?
Má ekki bjóða markvissari og fjölbreyttari hreyfingu í stað sunds í efri bekkjum?

Mötuneyti - misjöfn aðstaða - eitt eldhús fyrir alla, þá fá allir sama að borða og matur eldaður frá grunni.
Almennt hreinlæti mikilvægt í mötuneytum hanska notkun og hárnet.

Davið Logi Heiðarsson fjallaði um hlutverk og mikilvægi barna í ákvarðanatöku er varða börn og ungmenni í bæjarfélaginu.

Börn hafa skoðun - Börn vilja hafa áhrif á samfélagið sitt.

Hugmyndir barna og áhrif á samfélagið - börn hafa rödd.

Verkefnið Drauma skólinn hefur leitt til lýðræðislegrar ákvarðanatöku, t.d. við breytingar og endurbætur í skólanum og á skólalóðum í því verkefni höfðu allir nemendur rödd.

Börn eiga að hafa rödd og skoðun í þeim málum sem snúa að þeim, það er barna að segja hvað skiptir máli í þeirra samfélagi, umhverfi og lífi.

Börn koma með frambærilegar hugmyndir.

Guðjón Ívar Grantz fjallaði um heilsueflandi útisvæði.

Á Akranesi eru góð og falleg svæði sem nýtast vel til heilsueflingar. Hugmyndir að viðbót eru t.d. fjölgun á úti æfingatækjum eins og eru við Akraneshöllina, gera hjólabrettagarð, körfuboltavöll við Grundaskóla, skautasvell á Akranes, laga gervigrasvellina við báða grunnskólanna.

Björn Viktor sendi upptöku af framsögu sinni um íþróttalíf á Akranesi. Til að bæta aðgengi fjölskyldufólks og ungmenna þarf að skoða opnunartíma sundlaugarinnar, opnunartími of stuttur í samanburði við nágranna sveitafélögin
Íþróttir eru sameiningartákn í bæjarfélaginu - því þarf íþróttalíf sem nær til sem flestra.
Frístundastyrk mætti hækka - samanburður við önnur sveitafélög er okkur í óhag.
Taka þarf tillit til kynsegin, fatlaðra og barna af erlendu bergi.

Andrea Kristín - Andleg heilsa barna og ungmenna á Akranesi, niðurstaða könnunar um málefnið var kynnt á Barnaþingi - Niðurstaðan var ekki góða fyrir börn á Akranesi.

Opna þarf umræðu, það þarf fræðslu inn í grunnskólanna. Mikilvægt er að bætta svefn, hreyfingu, nám, útivist barna ofl.

Auka þarf starfandi ráðgjöf og stoðþjónustu inn í skólanna. Kynna fyrir börnum þau úrræði sem eru í boði. Andleg heilsa og heilsuefling á að vera forgangsatriði í skólunum okkar.

Ellert Kári Samúelsson - Meira samstarf á milli grunnskólanna.
Tónlistaval og einstaka verkefni eru sameiginleg, ef hægt er að blanda í tónlistavali þá ætti að vera hægt að auka samstarf á öðrum vettvangi.
sem dæmi; árgangasamstarf - heimsóknir á milli skólanna, kennaraskipti, eineltisviðburður í tengslum við dag gegn einelti
Val gefur tækifæri til meiri blöndunar - ábyrgð nemandans á náminu og þátttöku í samstarfi.
Valgreinakennsla er einnig liður í að efla félagstengsl og vinskap, sérstaklega ef það er val á milli skóla/bekkja/árganga.