Bæjarráð

Erindi skipulags og umhverfiráðs þar sem lagt er til við bæjarráð að samþykkja fyrirliggjandi breytingar á deiliskipulagi Skógarhverfis 1 og að skipulagið verði auglýst skv. 41.gr. sbr. 1.mgr. 43.gr. skipulagslaga nr.123/2010.

Lögð var fram tillaga að breytingu á deiliskipulagi 1. áfanga Skógahverfis sem unnin er af Teiknistofu arkitekta Gylfi Guðjónsson og félagar ehf., dags. 29. maí 2017. Í tillögunni felst annars vegar breyting á húsahæðum fjölbýlishúsa sunnan Asparskóga þar sem aðallega verður gert ráð fyrir tveggja hæða húsum án bílageymslna í stað þriggja hæða með bílageymslu og hins vegar stækkun skipulagssvæðisins sem nemur einni lóðaröð norðan Asparskóga með sams konar tveggja hæða fjölbýlishúsabyggð. Hærri hús verða á þremur lóðum. Jafnframt eru gerðar breytingar á skilmálum t.d. um íbúðafjölda. Tillagan er unnin í samræmi við rammaskipulag Skógahverfis frá 2005, sem ekki hefur formlegt gildi, en er nýtt sem forsenda einstakra skipulagsáfanga hverfisins. Nú er gert ráð fyrir 122 íbúðum á óbyggðum lóðum við Asparskóga en með breytingunni og stækkun skipulagssvæðisins verður gert ráð fyrir 159-236 íbúðum á óbyggðum lóðum við götuna.

Haldinn var opinn fundur þann 15.júní 2017 fyrir íbúa þar sem breytingarnar voru kynntar.

Íbúðalánasjóður er um þessar mundir að hafa samband við sveitarfélög með það í huga að bjóða þeim til viðræðna um möguleg kaup þeirra fasteigna í eigu sjóðsins innan viðkomandi sveitarfélags.
Velferðar- og mannréttindaráð telur þörf á að Akraneskaupstaður hafi yfir að ráða leiguhúsnæði fyrir skjólstæðinga sína. Ráðið vísar því til ákvörðunar bæjarráðs að skoða kaup á íbúð/um.

Erindi Faxaflóahafna til eiganda varðandi áskorun um bann við notkun á svartolíu á svæði þar sem útblæstri skipa eru sett takmörk.

Erindi Sýslumannsins á Vesturlandi þar sem óskað er umsagnar vegna umsóknar Veislur og Viðburðir ehf. um tækifærisleyfi til samkomuhalds í sementsskemmu við Faxabraut á Akranesi þann 1. júlí næstkomandi.

Erindi Sambands sveitarfélaga á Vesturlandi um samstarf sveitarfélaga á Vesturlandi á auglýsinga- og kynningarefni í tengslum við upptöku sjónvarpsþáttana Biggest looser á Vesturlandi.

Tilkynning frá Faxaflóahöfnum um arðgreiðslu til eigenda sem samþykkt var á aðalfundi Faxaflóahafna þann 26. maí síðastliðinn. Arðgreiðsla árið 2017 er að fjárhæð 371 mkr. sem skiptist á eignaraðila eftir eignarhlutföllum.

Erindi frá skipulags- og umhverfisráði þar sem lagt er til við bæjarráð að breyting á deiliskipulagi vegna Akursbrautar 17 verði samþykkt í samræmi við 2. mgr. 43. gr. og 2. mgr. 44. gr. skipulagslaga nr. 123/2010.

Breytingin verði auglýst í B-deild Stjórnartíðinda og send Skipulagsstofnun.15.5.2017 samþykkti skipulags- og umhverfisráð að grenndarkynna byggingarleyfisumsókn vegna Akursbrautar 17. Breytingin felst í að stækka anddyri og byggja yfir svalir á 1.hæð, setja kvist og svalir á rishæð.

Grenndarkynnt var fyrir fasteignaeigendum við Suðurgötu 40,42,46,48 og 50a og auk húss nr. 15 við Akursbraut. Engar athugasemdir bárust.

Erindi skipulags- og umhverfisráðs þar sem lagt er til við bæjarráð að breyting á deiliskipulagi við Birkiskóga 2 verði samþykkt í samræmi við 2. mgr. 43. gr. og 2. mgr. 44. gr. skipulagslaga nr. 123/2010 m.s.br. Breytingin verði auglýst í B-deild Stjórnartíðinda og send Skipulagsstofnun.

Þann 8. maí sl. samþykkti skipulags- og umhverfisráð að grenndarkynna skipulagsbreytingar á Birkiskógum 2. Breytingin felst í að hækka heimilað byggingarmagn. Grenndarkynnt var fyrir fasteignaeigendum við Birkiskóga 1,4, og 3 auk húsa 19 og 20 við Álmaskóga. Engar athugasemdir bárust.

Erindi skipulags- og umhverfisráðs þar sem lagt er til við bæjarráð að breyting á deiliskipulagi lóða við Esjubraut 14 verði samþykkt í samræmi við 2. mgr. 43. gr. og 2. mgr. 44. gr. skipulagslaga nr. 123/2010. Breytingin verði auglýst í B-deild Stjórnartíðinda og send Skipulagsstofnun.

Þann 6. mars sl. samþykkti skipulags- og umhverfisráð að grenndarkynna skipulagsbreytingar á lóðum við Esjubraut 14. Breytingin felst í að stækka bílskúr.Grenndarkynnt var fyrir fasteignaeigendum við Esjubraut 10,12,16 og 18 auk húsa nr. 9,11,13 og 15 við Hjarðarholt. Engar athugasemdir bárust.

Erindi skipulags og umhverfiráðs þar sem lagt er til við bæjarráð að samþykkja fyrirliggjandi breytingar á deiliskipulagi og að skipulagið verði auglýst skv. 41.gr. sbr. 1.mgr. 43.gr. skipulagslaga nr.123/2010.

Lögð var fram tillaga að breytingu á deiliskipulagi 2. áfanga Skógahverfis sem unnin er af Teiknistofu arkitekta Gylfi Guðjónsson og félagar ehf., dags. 1. júní 2017. Í tillögunni felast eftirtaldar breytingar:

Almenn breyting á ákvæðum um bílastæði fyrir fjölbýlishús þar sem fjöldi bílastæða fer eftir stærð íbúða.

Breyting á lóðamörkum og sameining byggingarreita á lóðunum við Álfalund 6-12 og Akralund 13-23.

Raðhús og parhús við Álfalund 2-26 (jafnar tölur) og Akralund 13-41 (oddatölur) verða einnar hæðar í stað tveggja hæða.

Byggingarreit fjölbýlishúss við Akralund 6 er breytt, hann einfaldaður og skásettur miðað við aðliggjandi reiti.

Haldinn var opinn fundur þann 15.júní 2017 fyrir íbúa þar sem breytingarnar voru kynntar.

414. mál til umsagnar, tillaga til þingsályktunar um mótun eigendastefnu ríkisins fyrir bújarðir.

Beiðni um greiðslufrest á gatnagerðargjöldum til 10. ágúst næstkomandi vegna Akralundar 8, 10, 12 og 14 vegna tafa við fjármögnun

Erindi Finns Andréssonar um beiðni um styrk vegna ljósmyndasýningar.

Tillaga um samstarf við ÍA um fjölnotapoka.

Tillaga um upplýsingaskilti og vegvísa á Akranesi.

Drög að framkvæmdasamningi milli Akraneskaupstaðar og Golfklúbbsins Leynis vegna byggingu frístundamiðstöðvar við Garðavöll.

Erindi frá sviðsstjórum skóla- og frístundasviðs og velferðar- og mannréttindasviðs vegna búnaðar- og tækjakaupa. Óskað er eftir fjármagni til kaupa á búnaði- og tækjum til að bæta aðstöðu og tækjabúnað fyrir fatlaða í Bjarnalaug og í frístundastarfi í Þorpinu. Kostnaður alls er kr. 2.148.000

Á 61. fundi velferðar- og mannréttindaráðs þann 21. júní 2017 var fjallað um Framkvæmdasjóð aldraðra. Framkvæmdasjóður aldraðra starfar samkvæmt lögum um málefni aldraðra nr. 125/1999 og reglugerð nr. 468/2014. Auglýst hefur verið eftir umsóknum um framlög úr sjóðnum með umsóknarfresti til og með 14. júlí nk. Velferðar- og mannréttindaráð leggur til við bæjarráð að sótt verði um framlag úr Framkvæmdasjóð aldraðra fyrir árið 2017 vegna fyrirhugaðrar nýbyggingar þjónustumiðstöðvar fyrir aldraða á Dalbrautarreit.

Samþykkt velferðar- og mannréttindaráðs er hér með vísað til afgreiðslu bæjarráðs.

Heiðar Mar Björnsson og Heimir Berg Vilhjálmsson koma á fund bæjarráðs og ræða hugmyndir um stofnun frumkvöðlaseturs á Akranesi.

Þriggja mánaða árshlutauppgjör lagt fram.

Þorgeir Jónsson fjármálastjóri, Andrés Ólafsson verkefnastjóri og Sigmundur Ámundason deildarstjóri bókhalds taka sæti á fundinum undir þessum lið.