Bæjarráð

Í framhaldi af tillögum og greinargerð vinnuhóps um endurskoðun

fjárhagsáætlunar 2009 samþykkir bæjarráð Akraness eftirfarandi

tillögu:

Starfshópur kjörinna fulltrúa:

Bæjarráð Akraness samþykkir að fela Gunnari Sigurðssyni, forseta bæjarstjórnar og Guðmundi Páli Jónssyni bæjarfulltrúa að samræma tillögur ráða til bæjarstjórnar Akraness um hagræðingu og sparnað í rekstri sveitarfélagsins.

Endurskoðun samninga:

Bæjarráð Akraness samþykkir að fela bæjarstjóra og fjármálastjóra að taka upp viðræður við aðila sem njóta samningsbundinna greiðslna frá sveitarfélaginu með það að markmiði að hætta/fresta verkefnum, lækka rekstrarframlög eða gera aðrar þær breytingar á samningum sem leiða til lægri útgjalda. Þessir samningar eru m.a.:

· Samningur um sögu Akraness

· Samningur um rekstur Bíóhallar (útr. 1. ágúst, þarf að taka ákvörðun um frh.)

· Samningur um þátttöku í rekstri Skrúðgarðs

· Samningur um rekstur strætisvagns

· Samningur um moldartipp

· Rekstrarsamningur við Golfklúbbinn Leyni

· Rekstrarsamningur við önnur félög

· Rekstrarsamningur við Björgunarfélag Akraness

· Kaup á kaffitímum starfsmanna

· Þjónustusamningur um notenda- og hýsingaþjónustu hugbúnaðar, vélbúnaðar o.fl.

· Samningur um dýraeftirlit

· Samningur um löggæslu

· Samningur um Gámu

· Samningur um Byggðasafnið í Görðum

Greinargerð um endurskoðun samninga verði skilað til bæjarráðs fyrir 20. maí n.k.