Fara í efni  

Bæjarráð

3047. fundur 03. september 2009 kl. 16:00 í fundarherbergi 1, Stillholti 16-18
Fundargerð ritaði: Ragnheiður Þórðardóttir deildarstjóri þjónustudeildar
Dagskrá

1.Starfsmannastefna Akraneskaupstaðar.

908115





Bæjarráð samþykkir eftirfarandi breytingu á D-lið 7. gr. í starfsmannastefnu Akraneskaupstaðar:


,,Um aukastörf.


Samhliða starfi sínu hjá Akraneskaupstað er starfsmanni óheimilt að stofna til atvinnurekstrar, þ.m.t. hvers kyns umboðsverslunar og hönnunarþjónustu, taka við starfi í þjónustu annarra eða ganga í stjórn atvinnufyrirtækis, geti slík vinna stangast á við störf starfsmanns hjá bæjarfélaginu eða hagsmuni bæjarfélagsins. Áður en starfsmaður stofnar til atvinnurekstrar eða tekur að sér launuð störf fyrir aðra en Akraneskaupstað skal hann tilkynna slíka fyrirætlan til bæjarstjóra sem metur hvort rétt sé að banna viðkomandi að hefja slíkan atvinnurekstur eða taka að sér slíkt starf. Telji bæjarstjóri ástæðu til að leggjast gegn slíkri fyrirætlan skal hann beina málinu til bæjarráðs til ákvörðunar. Bæjarráð skal ekki synja um slíkt leyfi nema ríkir hagsmunir bæjarins séu fyrir hendi. Rétt er bæjarráði að banna starfsmanni slík störf ef það er síðar leitt í ljós að þau fari ekki saman við starf hans hjá Akraneskaupstað."



Bæjarráð samþykkir framangreinda breytingu á D-lið 7. gr.


Bæjarráð samþykkir jafnframt að taka starfsmannastefnuna til frekari skoðunar á næsta fundi.

2.Skuldastaða og afborgunarþörf til áramóta.

909015

Staða langtímalána Akraneskaupstaðar 31.08.2009 og áætlaðar afborganir sept. - des. 2009.






Bæjarstjóri fór yfir fyrirliggjandi gögn og greindi frá stöðu fjárhags Akraneskaupstaðar og fyrirhugaðri vinnuáætlun.

Bæjarstjóri gerði grein fyrir að gert væri ráð fyrir að öll gögn varðandi lán og lánaáætlanir liggi fyrir um miðjan nóvember með fjárhagsáætlun 2010.


Hrönn óskar bókað að hún óski eftir upplýsingum um hvenær lánin voru tekin, til hve langs tíma og hver vaxtakjörin væru og þá einnig að hún auk Karenar óskaði upplýsinga um hver staða gengis var þegar lánin voru tekin. Jafnframt að fá yfirlit yfir áætlaðar afborganir langtímalána fyrri hluta árs 2010 á sömu forsendum og fyrirliggjandi yfirlit.


3.Útboð tölvumála Akraneskaupstaðar

810021

Bæjarráð samþykkir að fresta afgreiðslu erindisins til næsta fundar bæjarráðs.

4.Framkvæmdastofa - Rekstrarstaða 2009

908018

Bréf framkvæmdaráðs, dags. 02.09.2009, varðandi rekstrarstöðu Framkvæmdastofu 1. jan. - 31. júlí 2009.


Lagt fram.


Bæjarráð ítrekar fyrri samþykkt um að stofur Akraneskaupstaðar leggi mánaðarleg rekstraryfirlit fyrir bæjarráð.

5.Ljósmyndasafn Akraness - starfsmannamál.

909012

Bréf verkefnastjóra Akranesstofu, dags. 02.09.2009 þar sem lagt er til við bæjarráð að ráða tímabundið starfsmann að Ljósmyndasafni Akraness á meðan deildarstjóri safnsins er í fæðingarorlofi til að tryggja áframhaldandi uppbyggingu safnsins.


Bæjarráð samþykkir að fresta afgreiðslu erindisins til næsta fundar.

6.Tjaldsvæðið í Kalmansvík

810044

Bréf verkefnastjóra Akranesstofu, dags. 02.09.2009, þar sem lagt er til við bæjarráð að þeim fjármunum sem gert er ráð fyrir í fjárhagsáætlun 2009, alls kr. 1,0 milljón, verði ráðstafað til framtíðarhönnunar svæðisins og nánasta umhverfis vegna síaukinnar aðsóknar.



Bæjarráð hafnar erindinu, en felur starfsmönnum Framkvæmdastofu og Skipulags- og umhverfisstofu að gera tillögu að framtíðarhönnun svæðisins í samráði við Akranesstofu án frekari fjárútláta.

7.Krókalón - lóðamál vegna deiliskipulags

903112

Bréf Landslaga, dags. 28.08.2009, varðandi meðfylgjandi afrit af svarbréfi vegna fyrirspurnarbréfs Skipulagsstofnunar, dags. 02.07.2009, auk afrits af umsagnarbeiðni til skipulagsstofnunar vegna væntanlegs eignarnáms á lóðarhluta Vesturgötu 67.


Lagt fram.

8.Skotsvæði.

909013

Drög að samningi um afnot af landi milli Skotfélags Akraness og Akraneskaupstaðar.


Bæjarráð vísar erindinu til umsagnar Skipulags- og umhverfisstofu.

9.Strætisvagn innanbæjar - útboð

908106

Bréf íbúa í Jörundarholti, dags. 31.08.2009, þar sem skorað er á bæjaryfirvöld að endurskoða þær aksturs- og tímabreytingar strætisvagns í Jörundarholti sem íbúar hafa heyrt um.



Bæjarráð vísar erindinu til umsagnar Skipulags- og umhverfisstofu.

10.Þjónusta sveitarfélagsins - kynning á skýrslu.

908112

Bréf Capacent, barst í tölvupósti dags. 28.08.2009, varðandi þjónustukönnun fyrir sveitarfélög. Skýrsla með niðurstöðum könnunarinnar ásamt samanburði við önnur sveitarfélög er á kr. 350.000.- (án vsk).


Bæjarráð getur ekki orðið við erindinu.

11.Styrkbeiðni - Ólympíuleikar í stærðfræði.

905002

Bréf Ingólfs Eðvarðssonar, dags. 31.08.2009, þar sem færðar eru þakkir fyrir veittan styrk vegna þátttöku í Ólympíuleikunum í stærðfræði, 14.-22. júlí sl.


Bæjarráð fagnar jákvæðu viðhorfi bréfritara og óskar honum áframhaldandi góðs gengis.

12.Fundir sveitarstjórnar með fjárlaganefnd Alþingis haustið 2009.

908114

Bréf Alþingis, dags. 28.08.2009, þar sem tilkynnt er um tímasetningu viðtalstíma fyrir fulltrúa sveitarfélaga með Fjárlaganefnd.



Bæjarráð felur bæjarstjóra að undirbúa fund með fjárlaganefnd með erindum þar að lútandi, í þágu Akraneskaupstaðar og stofnana á Akranesi.

13.Starfsþjálfun - í samvinnu við Vinnumálastofnun fyrir Hver og Búkollu.

909019

Bæjarstjóri gerði grein fyrir málinu. Bæjarráð samþykkir að fresta afgreiðslu erindisins til næsta fundar.

14.Drög að dagskrá bæjarstjórnar 2009.

901046

Dagskrá 1080. fundar bæjarstjórnar.

Lögð fram.

Fundi slitið.

   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00