Skipulags- og umhverfisráð
Dagskrá
1.Stefnumótun Akraneskaupstaðar
2209259
Kynning á drögum að heildarstefnu Akraneskaupstaðar.
Valdís Eyjólfsdóttir verkefnastjóri fór yfir greinargerð um stefnumótun Akraneskaupstaðar. Skipulags- og umhverfisráð þakkar góða vinnu og Valdísi fyrir greinargóða kynningu.
2.Æðaroddi 42 og 44 - lóðamál
2204141
Samningur um afnot beitarlands á Æðarodda milli Akraneskaupstaðar og Hestamannafélagsins Dreyra kynntur.
Skipulags- og umhverfisráð samþykkir fyrirliggjandi drög að samningi og felur Jóni Arnari Sverrissyni garðyrkjustjóra að ganga frá samningi við Hestamannafélagið Dreyra um afnot beitarlands á Æðarodda.
3.Lóðarleigusamningar endurnýjun
2305247
Farið yfir lóðarleigusamninga á svæðum sem á að endurskipuleggja.
Skipulags- og umhverfisráð leggur til við bæjarráð, sem starfar í umboði bæjarstjórnar, að fyrirliggjandi drög að lóðarleigusamningi verði samþykkt vegna svæða þar endurskipulagning er fyrirhuguð.
4.Lækjarflói 2 - fyrirspurn til skipulagsfulltrúa
2306157
Fyrirspurn Merkjaklappar ehf. vegna breytinga á deiliskipulagi Flóahverfis um hækkun á nýtingarhlutfalli úr 0,35 í 0,506.
Skipulags- og umhverfsráð tekur jákvætt í erindið og felur skipulagsfulltrúa vinna málið áfram.
5.Deiliskipulag Dalbrautarreitur - norðurhluti
2207011
Drög að tillögu deiliskipulags Dalbrautarreits - norðurhluta kynnt.
Skipulags- og umhverfisráð felur skipulagsfulltrúa að vinna málið áfram.
6.Deiliskipulag Breiðarsvæði - Bárugata 15, breyting
2207007
Breyting á deiliskipulagi Breiðarsvæðis vegna lóðar Bárugötu 15 var auglýst samkvæmt 1. mgr. 43. gr. skipulagslaga nr. 123/2010, frá 11. maí til og með 22. júní 2023. Engar athugasemdir bárust.
Eftir er að ganga frá samningi vegna innviðagjalds við lóðarhafa. Málið verður tekið fyrir að nýju eftir að undirritun samningsins liggur fyrir hjá lóðarhafa.
7.Suðurgata 126 - Umsókn til skipulagsfulltrúa
2303092
Umsókn S126 ehf. um breytingu á deiliskipulagi Sementsreits vegna lóðar Suðurgötu 126. Sótt er um breytta notkun húss úr geymsluhúsnæði í íbúðarhúsnæði, skilgreindur verður byggingarreitur undir mannvirki á lóðinni og breyting á útliti húss. Bílskúrshurð tekin út á norðausturhlið og gluggi settur í staðinn, aðrar hliðar haldast óbreyttar. Skilgreindur byggingarreitur C, heimild að byggja 77fm skv. núgildandi skipulagi.
Skipulags- og umhverfisráð leggur til að að breytingin verði grenndarkynnt skv. 2. mgr. 43. gr. skipulagslaga nr. 123/2010, fyrir lóðarhöfum Sementsbrautar 15, Suðurgötu 124 og 122, Skagabraut 24 og Jaðarsbraut 3.
8.Deiliskipulag Akraneshöfn
2306198
Kynning á fyllingu við Akraneshöfn samanber Aðalskipulag Akraness 2021-2033, kafli 3.21.1 "Lokið skal gerð deiliskipulags hafnarsvæðisins. Höfn og athafnasvæði fyrir hafnsækna starfsemi, fiskiðnað og aðra athafnastarfsemi. Gert er ráð fyrir lengingu hafnarkants og um 6 ha. landfyllingu sunnan núv. sjóvarnargarðs. Lenging sjóvarnargarðs er með fyrirvara um að gerð verði athugun á áhrifum hennar á sandflutninga og sandbúskap Langasands. Hluti svæðisins er innan þróunarsvæðis A og breytingar hugsanlegar sbr. kafla 3.21.1."
Skipulags- og umhverfisráð felur skipulagsfulltrúa að koma af stað endurskoðun á deiliskipulagi Akraneshafnar.
9.Brú hses - Stofnframlag vegna sex íbúða kjarna 2023 (Tjarnarskógar 15)
2303217
Bæjarráð vísaði málinu til umsagnar skipulags- og umhverfisráðs og velferðar- og mannréttindaráðs á fundi sínum þann 15. júní sl. Málið komi síðan að nýju fyrir bæjarráð.
Halla Marta Árnadóttir skipulagsfulltrúi fór yfir lóðamál er varðar íbúðakjarna í Skógarhverfi. Skipulags- og umhverfisráð leggur til að íbúðakjarni verði færður að Skógarlundi 40 með smávægilegri breytingu á skipulagi. Að öðru leyti er málinu vísað til bæjarráðs.
10.Niðurrif eigna í eigu Akraneskaupstaðar.
2202110
Tilboð í niðurrif fjögurra eigna, Dalbrautar 8, Dalbrautar 10, Suðurgötu 108 og Suðurgötu 124 kynnt.
Fjögur tilboð bárust í verkið (með vsk):
Heflun kr. 112.935.000
Neshamar ehf. kr. 83.026.960
A.B.L. Tak kr. 75.456.240
Urð og grjót ehf. kr. 69.790.000
Kostnaðaráætlun er kr. 60.000.000 m.vsk.
Fjögur tilboð bárust í verkið (með vsk):
Heflun kr. 112.935.000
Neshamar ehf. kr. 83.026.960
A.B.L. Tak kr. 75.456.240
Urð og grjót ehf. kr. 69.790.000
Kostnaðaráætlun er kr. 60.000.000 m.vsk.
Skipulags- og umhverfisráð felur Ásbirni Egilssyni að semja við lægstbjóðanda, Urð og grjót ehf, með fyrirvara um að þeir uppfylli kröfur.
11.Jaðarsbakkar 1 - hönnun íþróttamiðstöðvar
2006228
Tillaga hönnuðar að lausn aðgengis fyrir hreyfihamlaða utanhúss.
Ásbjörn Egilsson verkefnastjóri fór yfir tillögu hönnuða vegna aðgengis hreyfihamlaða utanhúss.
Skipulags- og umhverfisráð felur Ásbirni frekari vinnslu málsins.
Skipulags- og umhverfisráð felur Ásbirni frekari vinnslu málsins.
12.Brekkubæjarskóli - endurbætur 1. hæðar
2203198
Minnisblað eftir skoðun á kennslueldhúsi lagt fyrir.
Ásbjörn Egilsson verkefnastjóri fór yfir minnisblað um kennslueldhús á 1. hæð Brekkubæjarskóla.
Skipulags- og umhverfisráð leggur til að kennslueldhús verði hluti af 1. áfanga framkvæmdar vegna endurbóta á 1. hæð Brekkubæjarskóla.
Skipulags- og umhverfisráð leggur til að kennslueldhús verði hluti af 1. áfanga framkvæmdar vegna endurbóta á 1. hæð Brekkubæjarskóla.
13.Starfshópur um framtíðarþörf leikskólaplássa á Akranesi
2304021
Bæjarráð samþykkti á fundi sínum þann 16. mars sl. að stofna starfshóp til að meta stöðuna og vinna tillögur að mögulegum lausnum í húsnæðismálum leikskóla á Akranesi. Hópnum var falið að gera þarfagreiningu á stöðunni í dag og leggja fram áfangaskiptar tillögur að lausnum til lengri og skemmri tíma.
Starfshópurinn hefur lokið vinnu sinni og skilað inn minnisblaði með tillögum o.fl.
Starfshópurinn hefur lokið vinnu sinni og skilað inn minnisblaði með tillögum o.fl.
Skipulags- og umhverfisráð þakkar Ásbirni Egilssyni verkefnastjóra, greinargóða kynningu og hópnum fyrir vel unnin störf.
14.Flóahverfi norður - útboð á gatnagerð
2305047
Verðkönnun á eftirliti með framkvæmd á gatnagerð í Flóahverfi.
Eftirfarandi þrjú tilboð bárust (með vsk):
VSÓ kr. 22.654.800
Efla kr. 17.273.200
Verkís kr. 16.405.200
Skipulags- og umhverfisráð felur Lárusi Ársælssyni umhverfisstjóra að ganga til samninga við lægstbjóðanda.
VSÓ kr. 22.654.800
Efla kr. 17.273.200
Verkís kr. 16.405.200
Skipulags- og umhverfisráð felur Lárusi Ársælssyni umhverfisstjóra að ganga til samninga við lægstbjóðanda.
15.Breyting á sorpmálum 2023
2210064
Framlenging á samningi Terru um sorphirðu og rekstur Gámu.
Skipulags- og umhverfisráð samþykkir framlengingu á samningi um sorphirðu og rekstur Gámu til 31.3.2024.
16.Flóahverfi - Framkvæmdaleyfi
2307008
Umsókn um framkvæmdarleyfi vegna gatnagerðar í hluta Flóahverfis ásamt tilheyrandi veitum og yfirborðsmótun í samræmi við deiliskipulag áfanganna (samþykkt bæjarstjórn 14. mars 2023).
Skipulags- og umhverfisráð leggur til við bæjarráð að samþykkja framkvæmdaleyfi vegna gatnagerðar í Flóahverfi, skv. 10. gr. reglugerðar um framkvæmdaleyfi nr. 772/2012.
Fundi slitið - kl. 20:00.
