Færni- og heilsumat

Færni- og heilsumatsnefnd Vesturlands

Færni- og heilsumat er faglegt, einstaklingsbundið mat á þörfum einstaklinga fyrir varanlega búsetu á hjúkrunar- og dvalarheimilum. Um er að ræða staðlað mat ásamt skilgreindum upplýsingum frá heilbrigðis- og félagsþjónustu auk læknabréfa frá læknum viðkomandi, eftir því sem við á. Einnig er gert færni- og heilsumat fyrir tímabundna dvöl í hjúkrunarrými.

Umsóknir má finna á vef landlæknis:

Umsókn um færni- og heilsumat á Vesturlandi þarf að berast til Færni- og heilsumatsnefndar Vesturlands en nefndin er með aðsetur á Heilbrigðisstofnun Vesturlands að Borgarbraut 65 í Borgarnesi. Færni- og heilsumat er einungis framkvæmt ef einstaklingur er þegar tilbúinn til búsetu á öldrunarheimili og öll félagsleg þjónusta og heimahjúkrun til dvalar í heimahúsi hafi verið reynd, þar með talið mat á heilsufari og endurhæfing eftir því sem við á.

Starfsmaður færni- og heilsumatsnefndar Vesturlands er Guðbjörg Sigurðardóttir sjúkraliði og er hún með aðsetur á Heilbrigðisstofnun Vesturlands í Borgarnesi. Hægt er að ná í Guðbjörgu í síma 432 1432 og eru símatímar á þriðjudögum og fimmtudögum frá kl. 13-16.

Einnig veitir Laufey Jónsdóttir verkefnisstjóri heimaþjónustu upplýsingar bæði í tölvupósti á netfangið laufey.jonsdottir@akranes.is og í síma 433 1000.

Fannst þér efnið á síðunni hjálplegt?

   
Fara efst
á síðu

Akraneskaupstaður

  • Stillholti 16-18, 300 Akranes
  • Sími 433 1000
  • Fax 433 1090
  • Kt: 410169-4449

Skrifstofan er opin alla virka daga kl. 09:30 - 12:00 og 12:30 - 15:30  |  Hafa samband