Fara í efni  

Sorphirða og endurvinnsla

Umhverfisvernd og ábyrg í umgengni um náttúruna eru mikilvægustu atriðin sem varða okkur í nútíð og framtíð. Flokkun sorps og rétt meðhöndlun þess er mikilvægur þáttur í að tryggja lífskjör til frambúðar.

Þjónustuaðili sorphirðu

Almenn sorphirða, leiga, sala og losun sorpíláta og gáma og söfnun úrgangs til endurvinnslu er í umsjón Gámaþjónustu Vesturlands ehf. Samningur Akraneskaupstaðar og Gámaþjónustunnar er til fimm ára, frá 1. september 2017 til 31. ágúst 2022. Sorphirðudagatal, gjaldskrá, magntölur og fleiri upplýsingar má nálgast hér að ofan.

Endurvinnslustöðin Gáma

Gámaþjónustu Vesturlands sér um rekstur endurvinnslustöðvar Gámu að Höfðaseli 16. Símanúmer Gámu er 431-5555 og er opnunartími alla virka daga frá kl. 10-18 og á laugardögum frá kl. 10-14. Fasteignaeigendur eru minntir á "Gámukortin" (klippikort) sem fást afhent í þjónustuveri kaupstaðarins. Hver íbúðareigandi getur fengið afhent eitt kort árlega sem veitir handhafanum rétt til endurgjaldslausrar afhendingar á allt að 3 m3 af heimilisúrgangi í sorpmóttökustöðinni Gámu. Vekjum athygli á því að söfnun nytjahluta fyrir nytjamarkaðinn Búkollu er í Gámu.

Umsókn um sorpílát

Afgreiðsla sorpíláta fer fram hjá Akraneskaupstað. Senda skal inn umsókn með rafrænum hætti á meðfylgjandi eyðublað. Nánari upplýsingar veitir Jón Ólafsson verkefnastjóri á skipulags- og umhverfissviði. 

Endurvinnsla á flöskum og dósum

Í Fjöliðjunni á Akranesi er boðið er upp á verndaða vinnu og endurhæfingu fyrir þá sem þess þurfa og leita eftir þjónustu. Fjölbreytt vinna fer þar fram og starfsfólkið tekst á við mörg ólík verkefni. Til að mynda fer þar fram endurvinnsla dósa og telja starfsmenn Fjöliðjunnar umbúðirnar. Á hverju ári tekur starfsfólk Fjöliðjunnar á móti og telur á þriðju milljón umbúða. Fjöliðjan er staðsett á Dalbraut 10 og er hún opin alla virka daga frá kl. 8:00-11:45 og frá kl: 13:00-15:45.

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ 

Eldri fréttir í tengslum við sorphirðu og endurvinnslu

Fannst þér efnið á síðunni hjálplegt?

   
Fara efst
á síðu
  • Akraneskaupstaður 433 1000
  • Skrifstofan er opin alla virka daga kl. 09:30 - 12:00 og 12:30 - 15:30
  • Stillholti 16-18, 300 Akranes
    Kt: 410169-4449