Vinnutími unglinga sumarið 2016

Allir unglingar fæddir árin 2000 – 2002 með lögheimili á Akranesi hafa rétt til þátttöku í Vinnuskólanum. Starfstími Vinnuskólans fyrir 8., 9. og 10. bekkinga er frá þriðjudeginum 7. júní til föstudagsins 12.  ágúst og vinna árgangarnir á mismunandi tímabilum yfir sumarið. Vinnuskólinn er lokaður frá miðvikudeginum 27. júlí til þriðjudagsins 2. ágúst og hefst vinna aftur miðvikudaginn 3. ágúst. Það skal tekið skýrt fram að þetta er sá vinnutími sem stefnt er að með fyrirvara um breytingar í ljósi upplýsinga um fjölda umsækjenda eða annarra aðstæðna þegar nær dregur sumri.

Umsóknareyðublöðum verður komið til allra nemenda á skólatíma í viðkomandi skóla í maí. Haldinn er fundur með umsækjendum áður en vinnuskólinn hefst og verður hann hann boðaður sérstaklega.

Stefnt er að vinnu fyrir:

Unglinga f. árið 2002 (8. bekkur)

Þeim stendur til boða að velja milli tveggja tímabila í hálfan mánuð og aðeins á morgnana frá kl. 8:30 til 12:00.

  • 7. júní – 21. júní (frí föstudag 17. júní).
  • 25. júlí  – 12. ágúst (Vinnuskóli lokaður 27. júlí - 2. ágúst).
Unglinga f. árið 2001 (9. bekkur)

Þeim stendur til boða að vera í fjórar vikur samfellt, yfir allan daginn. 

  • 7 .júní – 4. júlí (frí föstudag 17. júní). 

Unglinga f. árið 2000 (10. bekkur)

Þeim stendur til boða að vera í sex vikur samfellt, yfir allan daginn. 

  • 27. júní – 12. ágúst (Vinnuskóli lokaður 27.júlí - 2.ágúst).

Við áskiljum okkur rétt til breytinga á vinnutíma í ljósi upplýsinga um fjölda umsækjenda eða annarra aðstæðna þegar nær dregur sumri. 

Heil vinnuvika er 35 klst. Unnið frá kl. 8:30 - 12:00 og 13:00 - 16:30 mánud. til fimmtud. og á föstudögum unnið frá 8:30 til 12:35. Kaffitímar unnir og því styttri vinnutími á föstudögum. Umsóknareyðublöðum verður komið til allra sem eru í 8.-10. bekk á skólatíma í viðkomandi skóla í maímánuði.

Rétt er að ítreka að unglingar geta eingöngu unnið á sínu tímabili og geta ekki fært vinnutíma sinn til, t.d. 15 ára unglingur kemur til með að vinna á tímabilinu frá 7. júní til 4. júlí og ef hann þarf vikufrí á þeim tíma,  þá er það á ábyrgð viðkomandi og hann getur ekki unnið upp þessa viku á öðrum tíma. Þetta gildir einnig um vinnu 8. og 10. bekkinga. 

Laun unglinga 14 -16 ára við Vinnuskóla Akraness sumarið 2016 eru eftirfarandi, athugið að orlof er innifalið:

  • 14 ára unglingar,   8. bekkingar  (f.2002) kr. 476 pr. klst.
  • 15 ára unglingar,   9. bekkingar  (f.2001) kr. 536 pr. klst.
  • 16 ára unglingar, 10. bekkingar  (f.2000) kr. 710 pr. klst.

Til upplýsinga - vinna 17 ára unglinga f.1999

17 ára unglingum fædd árið 1999 stendur til boða vinna eins og fyrri sumur. Vinnan hefst um mánaðarmótin maí / júní. Stefnt er að vinnu að lágmarki 4 vikur og allt að 8 vikum en það ræðst af fjölda umsækjenda. Vinnan verður auglýst í byrjun maí og hægt verður að sækja um á vef Akraneskaupstaðar.

Fannst þér efnið á síðunni hjálplegt?

   
Fara efst
á síðu

Akraneskaupstaður

  • Stillholti 16-18, 300 Akranes
  • Sími 433 1000
  • Fax 433 1090
  • Kt: 410169-4449

Skrifstofan er opin alla virka daga kl. 09:30 - 12:00 og 12:30 - 15:30  |  Hafa samband