Fara í efni  

Sundlaugar

 Á Akranesi eru tvær sundlaugar, Jaðarsbakkalaug og Bjarnalaug. Sundlaugarnar eru báðar opnar almenningi en einnig eru þær notaðar undir kennslu fyrir grunnskólana, sundæfingar Sundfélags Akraness ásamt sundskóla og ungbarnasundi. Á Akranesi fá börn frítt í sund þar til 1. júní það ár sem þau verða 16 ára. Einnig fá öryrkjar sem framvísa örorkuskírteini, eldri borgarar og atvinnulausir sem eru á skrá hjá Vinnumálastofnun Vesturlands frítt í sund. Nánari upplýsingar um sundlaugar á Akranesi gefur forstöðumaður íþróttamannvirkja Hörður Jóhannsson í síma 433 1100.

JaðarsbakkalaugJaðarsbakkalaug

Jaðarsbakkalaug er 25 m útisundlaug með 5 heitum pottum, gufu og vatnsrennibraut. Skemmtileg sundlaug fyrir fjölskylduna, sundkappann og til sólbaðs. Sundlaugin er opin alla virka daga frá kl. 6:15 - 21:00 og um helgar frá kl. 09:00 - 18:00. Lokað er á stórhátíðardögum. 

BjarnalaugBjarnalaug

Bjarnalaug er 12,5 m innilaug með heitum potti sem staðsettur er í laugargarði utandyra. Bjarnalaug er einstaklega skemmtileg sundlaug og til gamans má geta þess að Bjarnalaug er til útleigu fyrir hin ýmsu tækifæri svo sem afmæli, bekkjarkvöld, starfsmannapartý o.fl. Bjarnalaug er staðsett að Laugabraut 6 og er hún orðin 70 ára gömul. Laugin er notuð í dag sem kennslulaug fyrir Brekkubæjarskóla en einnig fer þar fram ungbarnasund og sundskóli. Bjarnalaug er opin almenningi yfir vetrartímann (sept-maí) á laugardögum frá kl. 10.00-13.00 en þá er laugin hituð í 33 - 34°C. Nánari upplýsingar eru í síma 433-1130 en einnig er hægt að hafa samband með tölvupósti.

Fannst þér efnið á síðunni hjálplegt?

   
Fara efst
á síðu
  • Akraneskaupstaður 433 1000
  • Skrifstofan er opin alla virka daga kl. 09:30 - 12:00 og 12:30 - 15:30
  • Stillholti 16-18, 300 Akranes
    Kt: 410169-4449