Frístundamiðstöðin Þorpið

Vettvangur starfsemi Þorpsins er frítími og forvarnir og er megináherslan  lögð á barna- og unglingastarf. Uppbygging þjónustu í frítímanum er ein af kröfum nútímans. Þorpið leggur áherslu á að bjóða upp á fjölbreytt og áhugavert frístundastarf þar sem lögð er áhersla á forvarnir. Í gegnum þetta starf er börnum og ungmennum beint inn á braut heilbrigðis og jákvæðs lífernis. Þorpið leggur metnað sinn í að veita faglega og umfangsmikla þjónustu og vinnur í nánu samstarfi við börn og ungmenni, foreldra og frjáls félagasamtök. Markmið Þorpsins er að vera opin fyrir nýungum og breytingum í starfseminni á hverjum tíma. Mikilvægt er að mæta þörfum hvers og eins og miða starfsemina út frá þörfum samfélagsins hverju sinni.

Innan Þorpsins eru Arnardalur, félagsmiðstöð fyrir 13 - 16 ára, Hvíta húsið, ungmennahús fyrir 16 - 25 ára, og Gaman saman, dagstarf fyrir 10 - 12 ára.

Skrifstofa æskulýðs- og forvarnamála sér um starfsemi Þorpins og hefur aðsetur að Þjóðbraut 13. Símanúmerið í Þorpinu er  433-1250. Starfsmenn eru Heiðrún Janusardóttir, verkefnisstjóri æskulýðs- og forvarnamála, Lúðvík Gunnarsson, deildarstjóri æskulýðs- og forvarnarmála, og  Ruth Jörgensdóttir Rauterberg, deildarstjóri dagstarfs. Starfsmenn Þorpsins taka mið af og vinna eftir siðareglum Félags fagfólks í frítímaþjónustu.

Fannst þér efnið á síðunni hjálplegt?

   
Fara efst
á síðu

Akraneskaupstaður

  • Stillholti 16-18, 300 Akranes
  • Sími 433 1000
  • Fax 433 1090
  • Kt: 410169-4449

Skrifstofan er opin alla virka daga kl. 09:30 - 12:00 og 12:30 - 15:30  |  Hafa samband