Fara í efni  

Atvinnu- og ferðamálanefnd heimsótti Skagann hf.

Ingibjörg Valdimarsdóttir formaður atvinnu- og ferðamálanefndar, Ólafur Adolfsson og Hörður Svavarsson fulltrúar í nefndinni og Regína Ásvaldsdóttir bæjarstjóri heimsóttu Skagann og Þorgeir & Ellert fyrr í vikunni. Ingólfur Árnason framkvæmdastjóri, Sturlaugur Sturlaugsson sölu- og markaðsstjóri og Einar Brandsson sölustjóri tóku vel á móti hópnum og var meðal annars farið í skoðunarferð um svæðið og rætt um framtíð fyrirtækisins og áhrif þess á atvinnulífið á Akranesi. Ennfremur var rætt um áhrif gjaldeyrishafta á fyrirtæki eins og þessi. Skaginn gerði samninga í síðustu viku, ásamt Kælismiðjunni Frosti á Akureyri, við félagið P/f Pelagos í Færeyjum um kaup á nýju uppsjávarvinnslukerfi til uppsetningar í Fuglafirði. Heildarverðmæti samningsins er um þrír milljarðar króna. Ennfremur keypti fyrirtækið IÁ hönnun ehf. 80% hlut í 3X Technology á Ísafirði en IÁ hönnun ehf. er félag í eigu Ingólfs Árnasonar, framkvæmdastjóra Skagans hf. og Þorgeirs & Ellerts hf. Auk þess sem samningur var gerður við útgerðarfyrirtækið Skinney-Þinganes hf. á Höfn í Hornafirði um sölu á nýjum búnaði fyrir vinnslu á uppsjávarfiski.

Akraneskaupstaður óskar Skaganum innilega til hamingju með þennan árangur.

Atvinnu- og ferðamálanefnd heimsótti Skagann hf.Atvinnu- og ferðamálanefnd heimsótti Skagann hf.Atvinnu- og ferðamálanefnd heimsótti Skagann hf.


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00