Fara í efni  

ADHD samtökin verða á Akranesi miðvikudaginn 1.október 2014

ADHD samtökin verða á Akranesi 1. október nk. Haldnir verða tveir fundir, annars vegar kynningarfundur fyrir fagfólk og hins vegar spjallfundur fyrir foreldra barna með ADHD. Nánari upplýsingar má sjá hér að neðan um fyrrgreinda fundi. 

Kynningarfundur fyrir fagfólk, stuðningsfulltrúa og aðra kl. 14:30 í Tónbergi sal Tónlistarskólans á Akranesi

Kynningarfundur ADHD samtakanna verður á Akranesi, 1. október kl.14:30 í samvinnu við Velferðarráðuneytið og fjölskyldusvið Akraneskaupstaðar. Fundurinn er ætlaður starfsfólki leik-, grunn- og framhaldsskóla, sérfræðingum í skóla- og félagsþjónustu og öllum þeim sem starfa með börnum, ungmennum eða fullorðnum með ADHD.

Efni fundar: Hvað er ADHD og hvað gera ADHD samtökin? Elín Hoe Hinriksdóttir sérkennari og formaður stjórnar ADHD samtakanna og Björk Þórarinsdóttir gjaldkeri ADHD samtakanna kynna samtökin.

Dagskrá
  1. Hvað er ADHD - Birtingarmyndir, orsakir og afleiðingar
  2. ADHD á mismunandi aldursskeiðum - Börn, unglingar, fullorðnir.
  3. Greining og meðferðarleiðir.
  4. Skóli, nám og teymisvinna.
  5. Sjónarhóll ráðgjafamiðstöð.
  6. Framtíðarhorfur.
  7. Hvað gera ADHD samtökin og fyrir hvern eru þau?
  8. Helstu verkefni samtakanna - Hlutverk, starfsemi, baráttumál, námskeið og fræðsla
  9. Fyrirspurnir

Spjallfundur fyrir foreldra í sal Grundaskóla kl. 20:00 

Klukkan 20:00 í sal Grundaskóla, verður spjallfundur sem Björk og Elín stýra fyrir foreldra barna og ungmenna með ADHD. Ekki er um fyrirlestur að ræða. Hvetjum foreldra barna í leik-, grunn- og framhaldsskóla til að mæta.

Fundirnir eru öllum opnir og kosta ekkert

Nánari upplýsingar á skrifstofu ADHD samtakanna í síma 581-1110, adhd@adhd.is


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00