Byggðasafnið í Görðum

Safnasvæðið í vetrarbúningiByggðasafnið í Görðum hefur á undanförnum árum skipað sér verðugan sess sem eitt helsta aðdráttarafl Akraness enda mikil upplifun að koma þangað, jafnvel fyrir þá sem hafa annars ekkert gaman af söfnum.

Í Byggðasafninu að Görðum er sögu byggðar, atvinnu og mannlífs sunnan Skarðsheiðar gerð góð skil. Þar er m.a. geymd hin einstaka „Hagamús“ en fólk þarf að fara á safnið til að fræðast betur um þetta grunsamlega „spendýr“. Á undanförnum árum hafa gömul hús sem tengjast sögu Akraness á einhvern hátt verið flutt á byggðasafnið og gerð þar upp til minningar um liðna tíma. Þar má einnig finna vísi að bátasafni og þar er Íslands eini kútter, kútter Sigurfari, varðveittur. Gamli prestsbústaðurinn í Görðum eða Garðahúsið (frá 1876) er fyrsta steinsteypta íbúðarhúsið af sinni gerð sem byggt var hérlendis og jafnvel á Norðurlöndum. Í húsunum fer reglulega fram lifandi dagskrá og má þar sjá handverksfólk að störfum. Byggðasafnið í Görðum er lokað frá 16. september til og með 14. maí en boðið er upp á daglega leiðsögn alla virka daga kl 14 allt árið um kring. Tekið er á móti hópum og fara pantanir í gegnum netfangið museum@museum.is eða í síma 431-5566.

 

Fannst þér efnið á síðunni hjálplegt?

   
Fara efst
á síðu
  • Akraneskaupstaður

    433 1000
  • Skrifstofan er opin alla virka daga kl. 09:30 - 12:00 og 12:30 - 15:30
  • Stillholti 16-18, 300 Akranes
    Kt: 410169-4449