Fara í efni  

Ný bæjarstjórn tekur til starfa

Fyrsti fundur nýrrar bæjarstjórnar var í dag, 19. júní.  Sigríður Indriðadóttir var kjörin forseti bæjarstjórnar.
Ingibjörg Pálmadóttir aldursforseti setti 1192 fund bæjarstjórnar og stýrði kjöri forseta. Ingibjörg Pálmadóttir var fyrsta konan sem var kjörin forseti bæjarstjórnar á Akranesi, en því embætti gegndi hún 1986 til 1988 og 1989 til 1991. Sigríður er þriðja konan til að gegna embætti forseta en það má geta þess að langafi Sigríðar, Ólafur B. Björnsson var fyrsti forseti bæjarstjórnar Akraness og var hann kjörinn árið 1942. Afi Sigríðar, Valdimar Indriðason var einnig forseti bæjarstjórnar Akraness, árin 1976 til 1984.
Á fundinum var Ólafur Adolfsson kjörinn formaður bæjarráðs, Einar Brandsson var kjörinn formaður framkvæmdaráðs og skipulags- og umhverfisnefndar, Sigríður Indriðadóttir var kjörin formaður fjölskylduráðs, Valdís Eyjólfsdóttir var kjörinn fulltrúi Akraness í stjórn Orkuveitu Reykjavíkur og Ólafur Adolfsson var kjörinn fulltrúi Akraneskaupstaðar í stjórn Faxaflóahafna.  Ingþór Bergmann Þórhallsson var kjörinn formaður menningarmálanefndar og stjórnar Byggðasafnsins í Görðum, Tryggvi Bjarnason var kjörinn formaður barnaverndarnefndar og Kristjana Helga Ólafsdóttir var kjörin formaður stjórnar Höfða hjúkrunar-og dvalarheimilis.

Á fundinum var samþykkt að ráða Regínu Ásvaldsdóttur sem bæjarstjóra kjörtímabilið 2014 til 2018.
Bæjarstjórn samþykkti einnig að fela bæjarstjóra í samráði við bæjarráð að vinna að endurskoðun á gildandi samþykkt um stjórn og fundarsköp Akraneskaupstaðar með það í huga að skoða kjörgengi í fjölskylduráð og framkvæmdaráð. Einnig að skoða gildandi skipan nefnda og ráða.

Sjá einnig fundargerð

Á meðfylgjandi mynd má sjá Ingibjörgu Pálmadóttur og Sigríði Indriðadóttur en Ingibjörg færði Sigríði að gjöf mynd af afa hennar, Ólafi B. Björnssyni fyrsta forseta bæjarstjórnar Akraness.   


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00