Lottó-Búnaðarbankamótið

Lottó-Búnaðarbankamótið var sett í veðurblíðunni á Akranesi í dag kl. 12:00.  Um 950 drengir í 7. aldursflokki eru mættir til að leika knattspyrnu fram á sunnudag.  Með þeim er mikill fjöldi þjálfara, aðstoðarmanna og foreldra.  Þetta mun vera í 17. skiptið sem þetta mót er haldið, en í upphafi var mótið smátt í sniðum en síðustu árin hefur mótið verið með þeim stærstu sem haldin eru í þessum aldursflokki.  Auk knattspyrnunnar er ýmislegt gert annað til skemmtunnar og hefur rekstrarfélag yngri flokka KÍA veg og vanda af skipulagningu og framkvæmd mótsins.