Fara í efni  

Laust starf sálfræðings á skóla- og frístundasviði Akraneskaupstaðar

Skóla- og frístundasvið Akraneskaupstaðar auglýsir laust til umsóknar starf sálfræðings við skólaþjónustu skóla- og frístundasviðs. Skólaþjónusta skóla- og frístundasviðs starfar samkvæmt lögum um leikskóla nr. 90/2008, lögum um grunnskóla nr. 91/2008 og reglugerð nr. 584/2010. Starfsmenn skólaþjónustu eru sálfræðingar, talmeinafræðingur og iðjuþjálfi. Sálfræðingur vinnur í þverfaglegu teymi skólaþjónustunnar ásamt samstarfi við kennara í leik- og grunnskólum, sérkennara, almenns starfsfólk, þroskaþjálfa og iðjuþjálfa. Starfsstöð sálfræðingsins er í Grundaskóla og eru laun í samræmi við kjarasamningi Sálfræðingafélags Íslands og launanefndar sveitarfélaga. 

Helstu verkefni og ábyrgð:

  • Veitir starfsfólki leik- og grunnskóla stuðning við að efla skóla m.a. með fræðslu og ráðgjöf vegna kennslu og umönnunar nemenda, sérkennslu, starfshátta skóla, nýbreytni- og þróunarstarf og starfsumhverfis.
  • Veitir ráðgjöf og fræðslu/námskeið til foreldra.
  • Sinnir athugunum, greiningu og ráðgjöf vegna nemenda.  Sinnir einnig eftirfylgd og mati á árangri í samstarfi við starfsfólk og foreldra.
  • Er þátttakandi í barnateymi Akraness í samstarfi við Heilbrigðisstofnun Vesturlands.
  • Tekur þátt í stefnumótunarvinnu sem tengist málaflokknum og felur meðal annars í sér að móta þjónustuna í samræmi við reglur á hverjum tíma.

Menntun og hæfniskröfur

  • Sálfræðimenntun og leyfi til að starfa sem slíkur hér á landi með leyfi landlæknis
  • Reynsla af greiningu og ráðgjöf á þroska- og hegðunarvanda barna og ungmenna skilyrði
  • Þekking og reynsla af starfi sálfræðings skólaþjónustu er kostur
  • Réttindi til námskeiðshalds vegna hegðunar og líðan barna er kostur
  • Sjálfstæð og skipulögð vinnubrögð
  • Frumkvæði og vilji til að leita nýrra leiða
  • Færni og sveigjanleiki í samskiptum
  • Faglegur metnaður
  • Góð íslensku- og tölvukunnátta

Hér er hægt að sækja um rafrænt á heimasíðu Akraneskaupstaðar.  Umsóknarfrestur er til og með 6. maí næstkomandi. Nánari upplýsingar um starfið veitir Valgerður Janusdóttir í tölvupósti á netfangið skoliogfristund@akranes.is eða í síma 433-1000.


   
Fara efst
á síðu
  • Akraneskaupstaður 433 1000
  • Skrifstofan er opin alla virka daga kl. 09:30 - 12:00 og 12:30 - 15:30
  • Stillholti 16-18, 300 Akranes
    Kt: 410169-4449