Fara í efni  

Kjörskrá vegna Alþingiskosninga 10. maí

Kosningar til Alþingis fara fram 10. maí n.k. Kjörskrá hér á Akranesi hefur nú verið lögð fram og samþykkt í bæjarstjórn. Alls hafa 2057 karlar og 1980 konur, eða alls 4037 einstaklingar rétt samkvæmt henni til að kjósa hér á Akranesi. Á kjörskrá eru þeir sem tilkynnt hafa lögheimilisflutning fyrir 5. apríl. Kjörskráin liggur nú frammi í afgreiðslu bæjarskrifstofanna, Stillholti 16-18, og er þar opin almenningi til sýnis á almennum skrifstofutíma fram til  kjördags. Þeim sem vilja koma athugasemdum á framfæri vegna kjörskrár er bent á að snúa sér til bæjarritara. Athygli er vakin á því að sveitarstjórn getur allt til kjördags gert leiðréttingar á kjörskrá ef við á.


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00