Fara í efni  

Gísli beið ósigur

Lagvissasti bæjarstjóri á landinu og þótt víðar væri leitað og Selma okkar Björnsdóttir eiga það sameiginlegt að skilja hvorki í þennan heim né annan eftir að hafa bæði beðið óskiljanlegan ósigur í  söng- og söngvakeppnum í vikunni.Hér er að sjálfsögðu átt við Gísla Gíslason, bæjarstjóra, sem beið lægri hlut í söngkeppni í Íslandi í bítið á fimmtudagsmorgun.

 


Gísli mætti Björgólfi Jóhannssyni, forstjóra Síldarvinnslunnar hf., og hafði sá fyrrnefndi látið hafa það eftir sér hér á síðunni að hann vildi hvetja fólk til að kjósa Björgólf en "óttaðist það að verða miklu betri". Óttinn reyndist ástæðulaus því einungis 26% þjóðarinnar reyndust sammála því að Gísli hefði verið betri en hin 74% kusu Björgólf.


Hvorki er þó við söng Gísla að sakast né lagavalið því önnur eins lagvissa hefur vart sést í sjónvarpi og lagið ?Fertugsbragur? sem er írskt lag með texta eftir Gísla sjálfan nær ógleymanlegt strax eftir fyrstu hlustun. Sá möguleiki er þó fyrir hendi að þegnar bæjarstjórans séu einfaldlega svo hlýðnir að þeir hafi hreinlega kosið Björgólf til að Gísli gæti eytt sínum dýrmæta tíma í bæjarmálin en ekki söngkeppnir í sjónvarpi.
Það er full ástæða til þess að minna á að Gísli hefur boðið fram krafta sína í Eurovision ef óskir berast um slíkt, því vel má sjá fyrir sér að bæjarstjórinn sé einmitt það sem til þarf til að hífa Íslendinga upp úr undankeppninni á næsta ári. 


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00