Fara í efni  

Fjölbreytt dagskrá Vökudaga á Akranesi 2010

Hin árlega menningar- og listahátíð Vökudagar hefst á Akranesi fimmtudaginn 28. október nk. og verður hátíðin fjölbreytt að vanda. Nú er unnið að lokaundirbúningi hátíðarinnar en fjölmargir koma að dagskrá hennar; leikskólar, grunnskólar, Tónlistarskólinn og lista- og hæfileikafólk af ýmsum toga. Félag nýrra Íslendinga mun halda Þjóðahátíð þar sem boðið verður upp á fjölbreytta dagskrá og svona má áfram telja. Vökudögum lýkur sunnudaginn 7. nóvember nk.


Dagskrá hátíðarinnar, sem verður kynnt í upplýsingariti sem borið verður í öll hús á Akranesi og í nærsveitum, er afar fjölbreytt og borin uppi af hæfileikafólki af Akranesi - á öllum aldri.


Meðal viðburða má nefna þrjár sýningar á Safnasvæðinu; sýningu Björns Lúðvíkssonar í Garðakaffi, ljósmyndasýningu ?Vitans?, félags áhugaljósmyndara í Fróðá og sýningu á listaverkasafni Akraneskaupstaðar í nýju sýningarrými í Safnaskálanum, auk fastra sýninga.


Í Safnaskálanum verða einnig kvikmyndasýningar en sýndar verða kvikmyndir sem teknar voru á Akranesi á árunum 1947 og 1974, kvikmyndin ?Að fortíð skal hyggja? sem gerð var í tilefni af 50 ára afmæli Byggðasafnsins á síðasta ári og loks viðtöl sem tekin hafa verið við valinkunna einstaklinga um lífið á Akranesi áður fyrr í tengslum við verkefnið ?Veröld sem var? sem nú er í undirbúningi á Safnasvæðinu og víðar á vegum Akranesstofu, Byggðasafnsins, Bóka-, Héraðsskjala- og Ljósmyndasafns Akraness og fleiri aðila.


Í Kirkjuhvoli mun Gyða Jónsdóttir halda sýninguna ?Konur? og á ?Loftinu? í Kirkjuhvoli verður gestasýnandi. Í Bóka-, Héraðsskjala- og Ljósmyndasafni Akraness við Dalbraut 1 verður fjölbreytt dagskrá alla Vökudagana og þá verða fjölmargir spennandi tónleikar í boði. Nefna má tónleika Orra Harðarsonar þar sem hann flytur lög af hinum nýja geisladiski sínum ?Albúm?, Anna Halldórsdóttir heldur tónleika og flytur einnig lög af sínum nýjasta diski, ?Here? og þá heldur Hanna Þóra Guðbrandsdóttir sína árlegu hádegistónleika á Vökudögum. Tónlistarskólinn verður einnig með fjölbreytta dagskrá alla Vökudagana. Þá má nefna djass- og blúshátíð í Gamla Kaupfélaginu og tónleikana ?Ungir ? Gamlir? þar sem ungt hæfileikafólk úr  grunnskólum bæjarins og Tónlistarskólanum kemur fram ásamt Helga Björnssyni og Sigríði Beinteinsdóttur. Þá verður hin árlega hæfileikakeppni Nemendafélags Fjölbrautasskólans einnig haldin á Vökudögum, þann 5. nóvember.


Akranesstofa hefur umsjón með undirbúningi og skipulagi  Vökudaga. Allar nánari upplýsingar um dagskrá hátíðarinnar má finna hér.


Rétt er að nefna að í gangi er samkeppni um nafn á hinum nýja sýningarsal í Safnaskálanum en úrslit keppninnar verða kynnt í lok Vökudaga. Tillögum skal skilað til Akranesstofu (tomas.gudmundsson@akranes.is) en frestur til að skila inn tillögum rennur út föstudaginn 5. nóvember nk. Þá verða Menningarverðlaun Akraness árið 2010 afhent á Vökudögum og verður afhending þeirra kynnt sérstaklega þegar nær dregur. 


Menningar- og listahátíðin Vökudagar á Akranesi, 28. október til 7. nóvember 2010.


 

 


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00