Fara í efni  

Bókasafn Akraness opnar á fimmtudaginn

Hið nýja og glæsilega Bókasafn Akraness opnar fimmtudaginn 1. október nk. kl. 10:00 og hefur þar með starfsemi sína í glæsilegum húsakynnum að Dalbraut 1.  Þar eru einnig Héraðsskjalasafn Akraness og Ljósmyndasafn Akraness til húsa. Bókasafnið verður opið alla virka daga frá kl. 10:00 til 18:00 en rétt er að taka fram að almenn afgreiðsla bóka verður að sjálfsögðu opin strax á fyrsta degi. 


Akurnesingum og öðrum gestum er boðið að heimsækja safnið af þessu tilefni, skoða nýbygginguna og þiggja kaffiveitingar, en starfsfólk safnsins mun sjá um leiðsögn um safnið og kynna starfsemina þar. Síðdegis verður boðið upp á lifandi tónlist og upplestur í safninu. Kl. 16:00 munu börn sem tóku þátt í Stóru upplestrarkeppninni koma í heimsókn og lesa upp og kl. 17:00 mun Þórarinn Eldjárn, rithöfundur lesa úr verkum sínum. Þá munu nemendur úr Tónlistarskólanum á Akranesi flytja nokkur lög. 


Sama dag verður hið nýja þjónustuver Akraneskaupstaðar að Stillholti 16-18 opið á milli kl. 15:00 og 17:00 og er öllum  Akurnesingum og öðrum gestum velkomið að heimsækja þjónustuverið, kynnast þeirri starfsemi sem þar fer fram og þiggja kaffiveitingar.


 

 


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00