Fara í efni  

Bæjarráð Akraness lýsir furðu sinni vegna birtingar skýrslu um REI-málið


Bæjarráð Akraness bókaði eftirfarandi á fundi sínum í dag, 7. febrúar 2008, vegna skýrslu stýrihóps um ,,REI ? málið?:  ,,Bæjarráð Akraness lýsir yfir furðu sinni á því að skýrsla stýrihóps um REI ? málið svokallaða skuli birt opinberlega í dag áður en allir eignaraðilar hafa fengið hana í hendur og fjallað um hana.  Svo virðist sem skýrsluhöfundur telji að málefni REI sé einkamál borgarstjórnar Reykjavíkur, þar sem pólitískir fulltrúar sem þátt tóku í atburðarrásinni geti rannsakað sjálfa sig og komist að sameiginlegri niðurstöðu.  Bæjarráð telur lítið mark takandi á slíkri skýrslu og átelur vinnubrögðin, þar sem sameigendum hefur verið haldið utan við málið á öllum stigum þess.  


 

Ef tilefni þótti til að rannsaka þetta mál átti það að vera að frumkvæði stjórnar Orkuveitunnar og til þess ráðinn óháður aðili.  Slík skýrsla hefði verið trúverðug og getað varpað ljósi á alla málavexti.  Bæjarráð ítrekar jafnframt óskir bæjarstjórnar við svörum við spurningum sem lagðar hafa verið fyrir formann stjórnar og forstjóra Orkuveitunnar."


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449

    Persónuverndarstefna
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00