Fara í efni  

Álagningu fasteignagjalda fyrir árið 2009 lokið

 Eigendur fasteigna á Akranesi athugið!


Álagningu fasteignagjalda fyrir árið 2009 er nú lokið. Álagningar- og greiðsluseðlar verða sendir út til greiðenda á næstu dögum.
Gjalddagar fasteignagjalda á árinu 2009 verða 15. janúar, 15. febrúar, 15. mars, 15. apríl, 15. maí, 15. júní og 15. júlí, en eindagi gjaldanna er 30 dögum síðar eða næsta virkan dag beri hann upp á helgidag.  
Eins og síðastliðin ár sér Landsbanki Íslands, Akranesi, um innheimtu fasteignagjalda.


Bæjarskrifstofan framkvæmir breytingar á fasteignaskatti elli- og örorkulífeyrisþega eftir yfirferð skattframtala, þarf því ekki að sækja sérstaklega um lækkun eða niðurfellingu þessara gjalda.
Við álagningu fasteignagjalda nú í janúar verður afsláttur elli- og örorkulífeyrisþega til bráðabirgða miðaður við tekjur ársins 2007.
Þeir sem fengu lækkun á fasteignaskatti á liðnu ári, fá einnig lækkun á árinu 2009, að teknu tilliti til tekju- og eignaviðmiðunar.  Þegar álagning vegna tekna ársins 2008 liggur fyrir á þessu ári, verður afslátturinn endanlega ákvarðaður og verða þá allar breytingar tilkynntar bréflega.  Skilyrði lækkunar eru að viðkomandi elli- eða örorkulífeyrisþegi eigi lögheimili á Akranesi og sé þinglýstur eigandi viðkomandi fasteignar og/eða geti átt rétt á vaxtabótum vegna hennar skv. B-lið 68. gr. laga nr. 90/2003 um tekju og eignarskatt.  Einungis er veitt lækkun vegna íbúðarhúsnæðis til eigin nota.


Bæjarstjórn hefur ákveðið að tekjumörk elli- og örorkulífeyrisþega vegna lækkunar fasteignaskatts á árinu hækki um 7,56% á milli ára og verði eftirfarandi miðað við tekjur liðins árs:


Hjá einstaklingum með tekjur allt að kr. 2.006.500 er 100% niðurfelling á fasteignaskatti. Niðurfellingin lækkar hlutfallslega með hækkandi tekjum og fellur niður ef tekjur fara yfir kr. 2.778.500.


Hjá hjónum/sambýlingum með tekjur allt að kr. 2.810.000 er 100% niðurfelling á fasteignaskatti. Niðurfellingin lækkar hlutfallslega með hækkandi tekjum og fellur niður ef tekjur fara yfir kr. 3.890.500.


Kærur vegna álagningar skulu vera skriflegar og studdar fullnægjandi rökum og sendar bæjarskrifstofunni Stillholti 16-18.
Frekari upplýsingar um álagningu gjaldanna veitir starfsfólk fjárreiðudeildar Akraneskaupstaðar.
Vatnsgjald er lagt á og innheimt fyrir Orkuveitu Reykjavíkur og skulu kærur vegna þess sendar til Orkuveitu Reykjavíkur.
 
Fjárreiðudeild Akraneskaupstaðar.
 

 


   
Fara efst
á síðu
  • AkraneskaupstaðurStillholti 16-18, 300 Akranes
    Kt: 410169-4449
  • 433 1000
    Skrifstofan er opin sem hér segir:
    Mánu- fimmtudaga kl. 09:00-15:00
    Föstudaga kl. 09:00-14:00