Akstur "Skagavagnsins" breytist ekki

Strætó bs. hefur að undanförnu kynnt breytingar á akstri strætó, sem tóku gildi frá og með sunnudeginum 27. febrúar sl. en breytingar þessar hafa m.a. í för með sér að akstur hættir fyrr öll kvöld og þá er akstri hætt á nokkrum leiðum. Rétt er í þessu sambandi að taka fram að umræddar breytingar hafa engin áhrif á akstur "Skagavagnsins" svokallaða. Akstur og tímatafla leiðar 57 úr Háholti í Mosfellsbæ og á akranes helst því óbreyttur.

Þá má nefna að á næstu dögum verður sérstöku korti sem sýnir akstursleiðir og tímatöflur innanbæjarvagnsins um Akranes og tengingu hans við leið 57 hjá Strætó bs. dreift inn á hvert heimili á Akranesi. Á bakhlið kortsins er svo að finna yfirlitsmynd sem sýnir helstu strætóleiðir á höfuðborgarsvæðinu. Þessi kort verða einnig aðgengileg hér á vef Akraneskaupstaðar og þá geta stofnanir og þjónustuaðilar fengið eintök af kortinu til notkunar og dreifingar.

Nánari upplýsingar um breytingar á akstri strætó á höfuðborgarsvæðinu er að finna á vef Strætó bs.