Ungir gamlir, tvennir tónleikar í Bíóhöllinni á Akranesi
1. nóvember kl. 17:30-22:30
Tónleikar og sýningar
Hinu árlega tónlistarverkefni Ungir gamlir lýkur að venju með tvennum stórglæsilegum tónleikum í Bíóhöllinni. Verkefnið fór fram í fyrsta skiptið í nóvember 2006. Markmið tónlistarverkefnisins er að gefa hinum yngri tónlistarmönnum á Akranesi tækifæri til að vinna með reyndara fólki og auka þannig líkurnar á því áhugi þeirra fleyti þeim lengra á sviði tónlistarinnar. Áhugasamir nemendur taka þá þátt í stuttum námskeiðum með þekktum tónlistarmönnum og setja svo upp stórglæsilega tónleika. Í ár kemur Páll Óskar Hjálmtýrsson fram með ungu tónlistarmönnum.
Fyrri tónleikarnir fara fram kl. 17.30 og þeir seinni kl. 20.30.