Hrekkjavökumót Klifurfélags ÍA og Smiðjuloftsins
27. október kl. 10:00-16:00
Fjölskylda og félagsstarf
Smiðjuloftið, Smiðjuvöllum 17
Það er orðin hefð hjá Klifurfélagi ÍA að halda svokallað Hrekkjavökumót í október. Þá mæta krakkar úr félaginu til leiks í draugalegum búningum og margir með vígalega andlitsmálningu og spreyta sig á klifurleiðunum. Í ár verður í fyrsta sinn hægt að bjóða iðkendum úr félögum utan Akraness að vera með, enda aðstaðan til klifurs orðin stórglæsileg með tilkomu Smiðjuloftsins. Á efri hæðinni verður veitingasala til styrktar Klifurfélagi ÍA. Allir velkomnir að fylgjast með meðan húsrými leyfir.