Vinnuskóli Akraness
Vinnuskóli Akraness er starfræktur yfir sumarmánuðina, þ.e. júní, júlí og ágúst. Öll ungmenni í 8. 9. og 10.bekk grunnskólanna á Akranesi geta sótt um starf í vinnuskólanum. Einnig er 17 ára unglingum tryggð vinna yfir sumarið, lengd vinnutímabils getur verið breytileg frá ári til árs. Vinnuskóli Akraness hefur umsjón með atvinnutengdu námi en með atvinnutengdu námi er komið til móts við nemendur sem ekki virðiast finna sig í hefðbundnu námi. Atvinnutengt nám er samstarfsverkefni vinnuskóla, grunnskóla, foreldra og nemenda.
Nánari upplýsingar eru veittar hjá Einari Skúlasyni, rekstrarstjóra Vinnuskóla Akraness, í síma 863-1113, netfang einar.skulason hjá akranes.is
Fyrirhugaður vinnutími 8. - 10. bekkinga (f. 1997, 1998, 1999) sumarið 2013 við Vinnuskóla Akraness.
Vinnutíminn 8., 9. og 10. bekkinga er settur fram með fyrirvara um breytingar með tilliti til fjölda umsókna og það er sá þáttur sem hugsanlega gæti orðið til þess að endurskoða þyrfti vinnutímann. Það skal þó ítrekað að lang líklegast stenst þessi áætlaði vinnutími.
Allir unglingar f. 1997 - 1999, með lögheimili á Akranesi hafa rétt til þátttöku í Vinnuskólanum.
Starfstími Vinnuskólans fyrir 8., 9. og 10. bekkinga er á tímabilinu frá 6. júní til 16. ágúst og vinna árgangarnir á mismunandi tímabilum yfir sumarið.
Vinnuskólinn er lokaður frá miðvikudeginum 31. júlí til þriðjudagsins 6. ágúst, í kringum verslunarmannahelgina. Engin starfsemi verður í gangi á þessum tíma og vinnan hefst aftur miðvikudaginn 8. ágúst.
Stefnt er að vinnu fyrir:
8. bekkinga f. 1999, í hálfan mánuð og aðeins á morgnana frá kl. 8:30 til 12:00.
Þeim stendur til boða að velja milli tveggja tímabila sem eru eftirfarandi;
Fyrra tímabil: 6. júní til 20. júní = 10 dagar. (frí 17. júní)
Seinna tímabil: 29. júlí til 16. ágúst =10 dagar. (Vinnuskólinn lokaður 31. júli – 6. ágúst)
9. bekkinga f. 1998, í rúmar 5 vikur:
Vinna allan daginn, nema síðustu vikuna hálfan daginn á morgnana.
Frá 6. júní til 28. júní = 16 dagar, allan daginn. (frí 17. júní)
Frá 1. júlí til 5. júlí = 5 dagar, hálfan daginn.
10. bekkinga f. 1997, í 6 vikur, allan daginn:
Frá 1. júlí til 14. ágúst = 30 dagar (Vinnuskólinn lokaður 31.júli – 6. ágúst)
Heil vinnuvika er 35 klst. Unnið frá kl. 8:30 - 12:00 og 13:00 - 16:30 mánud. til fimmtud. og á föstudögum unnið frá 8:30 til 12:35. Kaffitímar unnir og því styttri vinnutími á föstudögum.
Rétt er að ítreka að unglingar geta eingöngu unnið á sínu tímabili og geta ekki fært vinnutíma sinn til, t.d. 15 ára unglingur kemur til með að vinna á tímabilinu frá 6. júní til 5. júlí og ef hann þarf vikufrí á þeim tíma, þá er það á ábyrgð viðkomandi og hann getur ekki unnið upp þessa viku á öðrum tíma. Þetta gildir einnig um vinnu 8. og 10. bekkinganna.
Umsóknareyðublöðum verður komið til allra nemenda í 8., 9. og 10. bekkjum grunnskólanna á skólatíma í viðkomandi skóla í maímánuði.
Sumarvinna 2013 - 17 ára unglingar f. 1996
Akraneskaupstaður og Vinnuskóli Akraness bjóða unglingum f.1996 með lögheimili á Akranesi vinnu við Vinnuskólann.
Vinnan hefst í lok maí og unnið verður 35 klst. á viku. Stefnt er að vinnu í 4-8 vikur, en það ræðst af fjölda umsækjenda hversu langur sá tími verður. Haldinn verður fundur með umsækjendum áður en vinnan hefst og farið yfir stöðuna.
Umsóknarfrestur um þessi störf rann út 15. maí.