1. Markmið
Markmið þessara reglna er að styrkja virk tómstunda- og íþróttafélög í bæjarfélaginu til að halda uppi öflugu félags- tómstunda- og íþróttastarfi fyrir börn og unglinga á Akranesi.
2. Úthlutun
Tómstunda- og forvarnarnefnd Akraneskaupstaðar vinnur tillögur að úthlutun og leggur þær fyrir bæjarráð til afgreiðslu.
Styrkir þessir eru veittir til íþrótta- og tómstundafélaga á Akranesi vegna þjálfunar og leiðsagnar barna og unglinga 3 - 18 ára. Skilyrði er að félag hafi starfað í a.m.k. 2 ár og staðið skil á lögformlegum skyldum símum t.d. haldið aðalfund, lagt fram ársskýrslu ársreikninga o.s.frv. Til að teljast styrkhæfur, þarf virkur iðkandi/þátttakandi að stunda félagsstarf hjá viðurkenndu félagi með reglubundnum hætti í 6 mánuði eða lengur.
Styrktímabil er frá 1. janúar – 31. desember á umliðnu ári.
3. Skipting styrkja
• Bæjarstjórn ákveður heildarstyrkupphæð hverju sinni.
a) 15% heildarupphæðar skiptist jafnt á milli þeirra sem úthlutað er til
b) 35% Skiptist samkvæmt launagreiðslum til þjálfara og leiðbeinenda barna og unglinga 18 ára og yngri samkvæmt ársuppgjöri
c) 30% Samkvæmt fjölda barna 14 ára og yngri sem greiða þátttökugjald í hverju félagi eða eru staðfestir þátttakendur í starfi þess
d) 20% Samkvæmt fjölda barna 15 – 18 ára i sem greiða þátttökugjald í hverju félagi eða eru staðfestir þátttakendur í starfi þess
• Frjáls framlög munu einnig skiptast samkvæmt þessum viðmiðunarreglum.
4. Umsóknir um styrki
• Styrkir eru veittir einu sinni á ári. Umsóknarfrestur er 15. apríl ár hvert. Styrkirnir skulu auglýstir eigi síðar en 15. mars ár hvert.
• Umsóknareyðublöð eru á heimasíðu Akraneskaupstaðar www.akranes.is og á skrifstofu Akraneskaupstaðar, Stillholti 16-18, 3. hæð
• Umsóknir og nauðsynleg fylgigögn skulu sendast á netfangið akranes@akranes.is eða berast á skrifstofur Akraneskaupstaðar, Stillholti 16-18, 3. hæð.
Þannig samþykkt á fundi bæjarráðs Akraness 13. mars 2008
Akranesi, 13. mars 2008
Gísli S. Einarsson bæjarstjóri (sign) |